जापान विशेष

शिजुओका, जापान । जापानको शिजुओकामा गल्कोट समाज जापान, क्षेत्रीय समिति शिजुओका र स्याङ्जा समाज जापान, क्षेत्रीय समिति शिजुओकाको संयुक्त आयोजनामा भव्य रूपमा ‘तीज फेस्टिभल शिजुओका २०२६’ सम्पन्न भएको छ। नेपाली नारीहरूको महान् पर्व हरितालिका तीजको अवसरमा आयोजित यस कार्यक्रमलाई यसपटक सांस्कृतिक तथा मनोरञ्जनात्मक प्रस्तुतिका साथै नेपालमा आएको बाढी तथा विपद्बाट प्रभावित नागरिकहरूको सहयोग गर्ने मानवीय अभियानसँग जोडिएको थियो। कार्यक्रमको औपचारिक सुरुवातअघि नेपालमा हालै आएको विनाशकारी बाढी तथा विपद्का कारण ज्यान गुमाउनु भएका सम्पूर्ण मृतकहरूप्रति उच्च सम्मान प्रकट गर्दै एक मिनेट… पुरा पढौ

प्रवासमा रहेर पनि मातृभूमिमा आइपरेको विपत्तिमा सहयोग गर्ने उद्देश्यसहित गल्कोट समाज जापान, टोकियो क्षेत्रीय समितिले आफ्नो तिज सांगीतिक उत्सवको टिकट तथा दर्शकहरूबाट सङ्कलित सम्पूर्ण रकम रसुवाका बाढीपीडितहरूलाई सहयोग गर्ने घोषणा गरेको छ। गल्कोट समाज जापान टोकियो क्षेत्रीय समितिका अध्यक्ष तथा तिज सांगीतिक उत्सवका सभापति ईश्वर बस्नेतका अनुसार कार्यक्रममा सहभागी दर्शकहरूबाट स्वेच्छाले प्रदान गरिएको ३०,१११ येन र टिकट बिक्रीबाट उठेको ४८८,००० येन गरी कुल ५,१८,१११ जापानी येन रसुवाका बाढीपीडितका लागि हस्तान्तरण गरिने भएको छ। देशमा गएको प्राकृतिक विपत्तिका कारण रसुवा जिल्लामा… पुरा पढौ

टोकियो, जापान। जापानमा नेपाली भलिबलको निरन्तरता, संरक्षण र प्रवर्द्धनमा सक्रिय घुम्टे युवा परिवार जापानले आगामी अक्टोबर ८ तारिख बिहीबार ‘पाँचौँ सिल्भर रनिङ कप खुला पुरुष भलिबल प्रतियोगिता’ आयोजना गर्ने भएको छ। प्रतियोगिता इबाराकी प्रान्तको उशिकुस्थित USHIKU SPORTS PARK GYMNASIUM मा बिहान ९ बजेदेखि साँझ ५ बजेसम्म सञ्चालन हुनेछ। “खेलकुद, कला, संस्कृति हाम्रो शान, पर्यटकीय स्थल घुम्टे गलकोटको पहिचान” भन्ने मूल नाराका साथ सन् २०१८ मा स्थापित घुम्टे युवा परिवार जापानले प्रवासमा रहेर पनि नेपालको राष्ट्रिय खेल भलिबललाई जीवित राख्ने, नेपाली… पुरा पढौ

अन्तर्राष्ट्रिय नेपाली साहित्य समाज (अनेसास) जापानले टोकियोमा एक विशेष कार्यक्रमको आयोजना गरी आफ्नो ८४औँ नियमित साहित्य शृङ्खला भव्य रूपमा सम्पन्न गरेको छ। अनेसासकी बोर्ड अफ ट्रस्टी सदस्य, अग्रज साहित्यकार एवं सितार वादक सुष्मा शाह ओमाताको ८४औँ वर्ष प्रवेश र संस्थाको ८४औँ शृङ्खलाको दुर्लभ संयोग पारेर उक्त कार्यक्रमको आयोजना गरिएको थियो। कार्यक्रममा सुष्मा ओमातालाई नेपाली भाषा, साहित्य, कला र संस्कृतिको विकास तथा विस्तारमा पुर्‍याउनुभएको अनवरत योगदानको उच्च कदर गर्दै ‘अनेसास जापान दीर्घ साहित्य साधना सम्मान २०८३’ अर्पण गरिएको छ। संस्थाका सदस्य… पुरा पढौ

प्रवासमा रहेका निउरे समुदायबीच आपसी एकता, भाइचारा, सहयोग र सामाजिक सम्बन्धलाई थप सुदृढ बनाउने उद्देश्यले स्थापित निउरे समाज जापानको प्रथम अधिवेशन टोकियोको सिन–ओकुबोस्थित सोलमारी मुरा हलमा भव्य समारोहबीच सम्पन्न भएको छ। समाजका अध्यक्ष रुद्रमणि निउरेको सभापतित्वमा सम्पन्न अधिवेशनमा जापानका विभिन्न क्षेत्रबाट आएका निउरे समुदायका सदस्यहरूको उल्लेख्य तथा उत्साहजनक सहभागिता रहेको थियो। अधिवेशनले संस्थाको प्रारम्भिक कार्यकालको समीक्षा गर्नुका साथै आगामी सन् २०२६–२०२८ कार्यकालका लागि नयाँ नेतृत्वसमेत चयन गरेको छ। कार्यक्रमको प्रारम्भमा बाबुराम निउरेले स्वागत मन्तव्य राखेका थिए भने सचिव मनप्रसाद निउरेले… पुरा पढौ

नेपाल–जापान कूटनीतिक सम्बन्धको ७०औँ वर्षगाँठको ऐतिहासिक अवसर पारेर जापानको राजधानी टोकियोमा २५ जुलाई २०२६ मा सम्पन्न ‘एफएनजे ग्लोबल मिडिया सम्मेलन जापान–२०२६’ ९ बुँदे ‘टोकियो घोषणा पत्र–२०२६’ जारी गर्दै सम्पन्न भएको छ। नेपाल पत्रकार महासंघ केन्द्रीय समितिको समन्वय तथा नेपाल पत्रकार महासंघ जापान शाखाको आयोजनामा सम्पन्न यस महाअभियानले प्रवासी नेपाली पत्रकारिताको भविष्य, व्यावसायिक सुरक्षा र संस्थागत सुदृढीकरणका लागि दूरगामी निर्णयहरू गरेको छ। प्रवासमा नेपाली पत्रकारिताको वृहत् समीक्षा र सहभागिता नेपाल पत्रकार महासंघका अध्यक्ष निर्मला शर्माको प्रमुख आतिथ्यतामा सम्पन्न यस सम्मेलनमा महासंघका… पुरा पढौ

नेपाल पत्रकार महासंघ जापान शाखाको आयोजनामा आगामी जुलाई २५ मा जापानको राजधानी टोकियोमा 'एफएनजे ग्लोबल मिडिया कन्फ्रेन्स २०२६' हुने भएको छ। 'प्रवासी सञ्चारमाध्यममार्फत नेपाल र विश्वलाई जोड्ने' मूल नारासहित हुन लागेको यस सम्मेलनको सहआयोजकका रूपमा महासंघका ११ वटा वैदेशिक शाखाहरू रहेका छन्। टोकियोको चुओ सिटीस्थित 'सेन्ट लुक्स गार्डन टावर' मा आयोजना हुने सो सम्मेलनमा नेपाल पत्रकार महासंघकी केन्द्रीय अध्यक्ष निर्मला शर्मासहित केन्द्रीय कार्यसमितिका ३३ जना पदाधिकारी तथा सदस्यहरूको उपस्थिति रहनेछ। सम्मेलनमा महासंघका ११ वटै वैदेशिक शाखाका अध्यक्ष र प्रतिनिधि, जापानस्थित… पुरा पढौ

टोकियो, जापान । गल्कोट समाज जापान क्षेत्रीय समिति टोकियोले हरितालिका तिजको अवसरमा आगामी सेप्टेम्बर १० तारिख टोकियोमा भव्य सांस्कृतिक कार्यक्रम 'तिज धमाका २०२६' आयोजना गर्ने भएको छ। संस्थाका अध्यक्ष ईश्वर बस्नेतका अनुसार नेपाली कला, संस्कृति, भाषा र परम्पराको संरक्षण तथा प्रवर्द्धन गर्ने मुख्य ध्येयका साथ कार्यक्रम आयोजना गरिएको हो। कार्यक्रममा नेपालबाट आमन्त्रित लोकदोहोरी तथा तिज गीतका चर्चित राष्ट्रिय कलाकारका साथै जापानमै रहेका स्थानीय कलाकारहरूको विशेष साङ्गीतिक प्रस्तुति रहनेछ। संस्थाले विदेशमा आयोजना गरिने यस्ता कार्यक्रमले नेपाली दाजुभाइ तथा दिदीबहिनीहरूबीच आपसी सद्भाव… पुरा पढौ

टोकियो, जापान ।जापानमा क्रियाशील गल्कोट समाज जापानले आफ्ना सम्पूर्ण क्षेत्रीय समिति र नवौँ केन्द्रीय अधिवेशनको मिति सार्वजनिक गर्दै नयाँ नेतृत्व चयनको प्रक्रिया अघि बढाएको छ।समाजका महासचिव दिलीप कँडेलका अनुसार संस्थाको विधान र वार्षिक कार्यतालिकाबमोजिम जापानभर रहेका सम्पूर्ण क्षेत्रीय समितिहरूको अधिवेशन आगामी २०२६ जुन ३० (असार १६) मा एकै दिन सम्पन्न हुनेछ। त्यस्तै, संस्थाको नवौँ केन्द्रीय अधिवेशन आगामी २०२६ जुलाई ३० (साउन १५) मा आयोजना गर्ने निर्णय गरिएको छ। यस अधिवेशनले आगामी कार्यकालका लागि नयाँ नेतृत्व चयन गर्नुका साथै संगठन विस्तार,… पुरा पढौ

गल्कोट समाज जापान नागोया क्षेत्रीय समितिको आठौं अधिवेशनको तयारिका लागि अन्तिम बैठक सम्पन्न भएको छ। विदेशी भूमिमा रहेर पनि आफ्नो कार्य व्यस्ततासँगै सामाजिक संस्थामा आबद्ध भएर सामाजिक कार्यमा लागि परिरहँदा यस संस्थालाई थप चलायमान र सशक्त बनाउनको लागि अझै प्रभावकारी नयाँ कार्यक्रमहरू अगाडि सार्नुपर्ने र सम्पूर्ण गल्कोटेहरूलाई यस संस्थामा आबद्ध गरी हरेक प्रकारका क्रियाकलापहरुमा सक्रिय सहभागिता जनाउनुपर्ने आवश्यक रहेको संस्थाका संरक्षक मोहन खत्रीले बताउनुभएको छ। संस्थाले गर्ने विभिन्न प्रकारका मनोरञ्जनात्मक कार्यक्रमहरूले मनोरञ्जन मात्र प्रदान गर्ने होइन् भावनात्मक अनुभव, सद्भाब चेतना,… पुरा पढौ