जापानको चर्चित कम्पनी सोनीले आफ्नो कम्पनीमा महिला इन्जिनियरहरूको संख्या आक्रामक रुपमा बढाउँदै लैजाने भएको छ।
सोनी कम्पनीले स्मार्टफोन र मिररलेस क्यामेरा उत्पादन गर्ने महिलाका लागि मैत्रीपूर्ण काम गर्ने वातावरण सिर्जना गर्ने प्रयासलाई तीव्र बनाएको बेला यो कदम चालिएको स्रोतले बताएको छ।
आगामी आर्थिक वर्षको लागि आफ्नो नयाँ कामदारहरूको नियुक्ती रेकर्ड-उच्च प्रतिशत हासिल गर्ने लक्ष्य राखेको कम्पनीले जापानमा स्थापित स्टेरियोटाइपलाई चुनौती दिँदै प्रमुख टेक्नोलोजी फर्ममा इन्जिनियर र अनुसन्धानकर्ताहरूका लागि नयाँ कामदार नियुक्ती हुनेहरूमा महिलाको अनुपात हालसम्मकै उच्च ३० प्रतिशत पुर्याउने अपेक्षा राखेको छ ।
कम्पनीले टेक्नोलोजीको क्षेत्रमा महिला प्रतिभाहरुको आभाव सामना गरिरहेको अवस्थामा राखेको लक्ष्य परिपूर्ति गरिनु देशको एक दुर्लभ उपलब्धि हुने दाबी गरेको छ।
महिलाहरूको करियरलाई समर्थन गर्ने अन्य उपायमा लचिलो नीति अवलम्वन गर्दै सोनीले गर्भवती महिलाहरू र बच्चाहरूको पालनपोषणमा संलग्नहरू र प्रजनन उपचार गराइरहेकाहरूका लागि बिदा प्रणालीमा समेत सहजता बनाइएको बताइएको छ।
नयाँ वित्तीय २०२४ मा कम्पनीमा सामेल हुने गरि नयाँ कामदार नियुक्ती नीति लिएको हो।यद्यपि सोनीले कामदारहरूको निश्चित संख्या खुलासा भने गरेको छैन। कम्पनीले आफ्नो मातृ कम्पनी सोनी ग्रुप कर्पोरेशन सहित अन्य तीन समूह कम्पनीहरूमा नयाँ नियुक्ती गतिविधिहरू सञ्चालन गर्ने जनाएको गर्दछ।
“यो प्रायः भनिन्छ कि यदि एक समूहले सम्पूर्ण कर्मचारीको ३०प्रतिशतको हिस्सा ओगटेको छ भने, तिनीहरू अल्पसंख्यक होइनन्।” टोकियो विश्वविद्यालयका विज्ञान र प्रविधि अध्ययनका प्राध्यापक हिरोमी योकोयामाले भने-“यो उल्लेखनीय छ कि एक अग्रणी जापानी कम्पनीले विज्ञान पुरुषहरूको लागि हो भन्ने स्टिरियोटाइपको बावजुद यति उच्च प्रतिशत हासिल गरेको छ,” योकोयामाले भने।
कम्पनीहरूलाई जापानमा महिला इन्जिनियरहरू भर्ती गर्न गाह्रो भइरहेको छ, जहाँ विज्ञानसँग सम्बन्धित क्षेत्रहरूमा प्रमुख महिलाहरूको संख्या कम छ।
आर्थिक सहयोग र विकास संगठनद्वारा संकलित तथ्याङ्क अनुसार २०२१ मा उच्च शिक्षा संस्थानहरुको जापानी स्नातकहरु मध्ये प्राकृतिक विज्ञान, गणित र तथ्याङ्क अध्ययन गर्ने महिलाहरु २७ प्रतिशत योगदान दिएका थिए। भने ईन्जिनियरिङ्, निर्माण र वास्तुकलामा उत्तीर्ण हुने महिलाहरूको संख्या १६ प्रतिशत रहेको थियो। ओईसीडीका ३८ सदस्य राष्ट्रहरूमा दुवै संख्या सबैभन्दा कम थियो।
