कास्कीमा जारी खुल्ला क्लब स्तरिय पुरुस तथा महिला भलिबल प्रतियोगीताको सेमिफाईनलमा रोमाञ्चक जित निकाल्दै गलकोट स्पोट्स क्लव फाईनलमा प्रवेश गरेको छ ।
पोखरा भलिबल प्रशिक्षण केन्द्रको सातौँ बार्षिक उत्सवको अवसरमा आयोजित उत्त प्रतियोगिताको दोस्रो सेमिफाईनलमा गलकोट स्पोट्र्स क्लबले टु ब्रर्दसलाई ३–२ को सेटमा पराजित गदैँ फाईनल यात्रा तय गरेको हो । सुरुवाती २ सेट गुमाएको गलकोटले उत्कृष्ट पुनरागमन गदैं जित निकालेको हो ।
टु व्रदर्श संग पहिलो र दोस्रो सेटमा क्रमश २५–१९, २५–२० ले गुमाएको गलकोटले तेस्रो सेटमा ३०–२८ रोमाञ्चक जित निकाल्न सफल भयो । चौथो र पाँचौ सेटमा क्रमश २५–१७ र १५–१० को सेटमा पराजित गरेको हो । अव गलकोट स्पोट्स क्लवले उपाधीका लागि जिएम समाज संग प्रतिस्प्रर्धा गर्ने छ ।
कास्की जिल्ला छन्त्याल संघको प्राङ्गणमा संचालन भैरहेको प्रतियोगीतामा आजै सम्पन्न पहिलो सेमिफाईनबाट जिएम समाज कावासोति फाईनल पुगेको छ । समिर सुनचादी पसललाई ३–१ को सेटमा पराजित गदैं जिएम समाज फाईनल पुगेको हो । २५–२० ले पराजित भएको जिएम समाजले उत्कृष्ट पुनरागमन गदैं २५–२२, २५–२०, २५–२३ को सेटमा पराजित गदैं फाईनलमा पुगेको थियो ।
प्रतियोगिताको पुरुष तर्फको विजेताले नगद एक लाख ११ हजार एक सय ११ रुपैयाँ र उपविजेताले नगद ७० हजार रुपैयाँ प्राप्त गर्नेछन् । यस्तै महिला तर्फको विजेताले ४५ हजार रुपैँया र ३० हजार रुपैयाँ प्राप्त गर्नेछन् ।
