बागलुङ जिल्लाको पश्चिम क्षेत्र बडिगाड गाउँपालिकाका एक युवाको आईतबार मोवाईल चार्ज गर्ने क्रममा करेन्ट लागेर मृत्यु भएको छ ।
बडिगाड गाउँपालिका–५ सिमाक बस्ने चन्द्रबहादुर पाईजाको २२ वर्षीय छोरा रमेश पाईजाको मोवाईल चार्ज गर्ने क्रममा अचानक विद्युत सट भई करेन्ट लागेर घट्नास्थलमा नै मृत्यु भएको जिल्ला प्रहरी कार्यालय बागलुङले जनाएको छ ।
प्रहरीका अनुसार सोही ठाउँमा फुपुको घरमा मोबाईल चार्ज गर्ने क्रममा विद्युत सर्ट भएको थियो । घट्ना बारे थप अनुसन्धान भईरहेको प्रहरीले जनाएको छ ।
मृतक पाईजाका श्रीमती र १८ महिनाकी छोरी रहेको बताईएको छ । घटनाबारे जानकारी पाए लगत्तै ईलाका प्रहरी कार्यालय बुर्तिबाङ र ग्वालीचौर प्रहरी चौकीबाट प्रहरीले टोली पुगेको थियो ।
उनको शव पोष्ट मार्टमका लागि बुर्तिबाङ प्राथमिक स्वास्थ्य केन्द्रमा लगिएको छ । दिउँसो २ः२० बजेको समयमा करेन्ट लागेको प्रहरीले जनाएको छ ।
