सरकारले २०७९ वैशाख ३० गते स्थानीय तहको निर्वाचन गर्ने निर्णय गरेको छ ।आज बसेको मन्त्रिपरिषद्को बैठकले निर्वाचनको मिति तय गरेको हो ।
आगामी जेठ ५ गते स्थानीय तहको निर्वाचन ऐन अनुसार जनप्रतिनिधिको कार्यकाल सकिने भएकोले निर्वाचन आयोगले जेठ ४ गतेलाई निर्वाचन गर्नु पर्ने प्रस्ताव गरेको थियो ।
यसअघि सत्तारुढ पाँच दलीय गठबन्धनले जेठ मसान्तभित्र निर्वाचन गर्न सरकारलाई सुझाव दिएको थियो ।सरकारले गत सोमबार स्थानीय तहको निर्वाचनको मिति तय गर्ने बारेमा निर्वाचन आयोगसँग परामर्श गरेको थियो ।
आगामी जेठ ५ मा मात्र जनप्रतिनिधिको कार्यकाल सकिने स्थानीय तह निर्वाचन ऐनमा उल्लेख छ ।स्थानीय तहको निर्वाचन कति चरणमा गर्ने भन्ने बारेमा निर्वाचन आयोगले निर्णय लिन बाँकी नैछ ।
