नवसृजना युवा क्लब(NYC) तारा ले आज एक कार्यक्रम का बिच राहत रकम हस्तान्तरण गरेको छ ।
स्व लाल बहादुर थापा को काजकिरिया खर्च का लागि समाजसेवी तथा सफल व्यावसायी नर बहादुर थापाको पहलमा जापानमा संकलित रकम ७८ हजार १ सय ५५ स्व लाल बहादुर थापाकी आमा चनमति थापा लाइ हस्तान्तरण गरिएको क्लब का अध्यक्ष पूर्णभद्र निउरेले जानकारी दिनु भयो ।
ताराखोला गाउँपालिका वडा न ४ नागबेलि खोला छहारी निवासी ३७ बर्षिय लाल बहादुर थापा को गत असार २० गते जिल्ला अस्पताल म्याग्दी बेनिमा निधन भएको थियो ।
पारिवारिक अबस्था कमजोर रहेको र घर मा १४ बर्षिय छोरो र आमा भन्दा अरु कोहि नरहेको ले संस्कार अनुसार को काजकिरिया गर्न समेत समस्या परेपछि सहयोग रकम संकलन गरिएको नर बहादुर थापाले जानकारी दिनु भयो ।
यस अघि स्थानीय स्तर मै आफन्तजन तथा दाजु भाइ बाट करिब ३४ हजार रकम संकलन गरि परिवारलाइ बुझाइएको थियो ।
कार्यक्रममा बोल्दै ताराखोला गाउँपालिका वडा न ४ का वडा अध्यक्ष जित बहादुर खत्रीले मानवीय सेवाका लागि सहयोग गर्ने सहयोग दाताका लागि धन्यवाद व्यक्त गर्दै समन्वयकारी भूमिकाका लागि क्लबप्रति आभार प्रकट गर्नु भएको थियो ।
कार्यक्रममा ताराखोला गाउँपालिकाका प्रमुख राजनीतिक सल्लाहकार नरेश के सीले सामाजिक हित र मानबिय सेवा मा NYC ले खेलेको भूमिका स्रहानिय रहेको बताउनु भएको थियो ।
कार्यक्रम क्लब अध्यक्ष पूर्णभद्र निउरेको अध्यक्षता सहसचिव मन बहादुर घर्तिको संचालन र सास्कृतिक संयोजक गोबिन घर्तिको स्वागतमा सम्पन्न भएको थियो ।
