जापानको एक अदालतले महिला सहकर्मीलाई यौन दुर्व्यवहार गरेको आरोपमा तीन पूर्व सैनिकलाई दोषी ठहर गरेको छ।
जापानको एक अदालतले मङ्गलबार तीन पूर्व ग्राउन्ड सेल्फ-डिफेन्स फोर्स सदस्यहरूलाई २०२१ मा एक महिला विरुद्ध गरेको यौन अभद्र कार्यको लागि दोषी ठहर गरेको छ जसले अपराधको रिपोर्ट गरि अगाडि आउन दुर्लभ कदमका रुपमा हेरिएको छ ।
फुकुसिमा जिल्ला अदालतले जापानको सशस्त्र बलमा उत्पीडनको संस्कृतिलाई जनताको ध्यानाकर्षण गराउने उच्च प्रोफाइल मुद्दामा 24 वर्षीया रिना गोनोईलाई आक्रमण गरेको अभियोगमा चार वर्षका लागि निलम्बित पुरुषहरूलाई दुई वर्षको जेल सजाय सुनाएको हो।
गोनोईको आरोपले रक्षा मन्त्रालयलाई शुतारो शिबुया, 31, अकिटो सेकिन, 29, र युसुके किमेजावा, 29, साथै अन्य दुईलाई अपमानजनक रूपमा डिस्चार्ज गर्न र उत्पीडनको मुद्दाहरू सम्बोधन गर्न आफ्नो प्रयास बढाउन प्रेरित गरेको छ ।
“तिनी तीनजनाले पछुताएको म चाहन्छु,” निर्णयपछि गोनोईले भने । “म सन्तुष्ट छु किनकि मलाई लाग्छ कि यो निर्णयले म जस्तै धेरै मानिसहरूलाई (यौन दुर्व्यवहारको) शिकार हुनबाट रोक्न मद्दत गर्नेछ।”
अभियोजकहरूले तीन अभियुक्तहरूलाई दुई वर्षको जेल सजायको माग गरेका थिए भने उनीहरूको बचाव पक्षले सफाइको अनुरोध गरेको थियो।
२४ वर्षीय रिना गोनोईले २०२२ मा युट्युबमा आफ्नो कथा सार्वजनिक गरेर अन्तर्राष्ट्रिय समुदायको ध्यान तानेपछि यो ऐतिहासिक फैसला आएको हो।
अत्यधिक रुढिवादी जापानमा यौन हिंसाको बारेमा महिलाहरूले बोल्नु दुर्लभ हो। यस्ता धेरै घटनाहरूमा बारेमा यहाँ रिपोर्ट नै पर्दैनन्।
फैसलापछि अदालतबाहिर सञ्चारकर्मीमाझ बोल्दै पीडित गोनोईले यसले धेरै पीडितहरूलाई बोल्न प्रोत्साहित गर्ने विश्वास व्यक्त गरिन्।
‘आजको फैसलाले उनीहरू अपराध गरेको पुष्टि भएको छ। यसको सजाय उनीहरूले भोग्नुपर्छ,’ उनले भनिन्, ‘यो फैसलाले अन्य पीडितहरूलाई पनि बोल्न प्रोत्साहित गर्छ भन्ने विश्वास लिएको छु।’
जुनमा यौन अपराध कानुनमा आएको परिवर्तनपछि यौन उत्पीडितको सन्र्दभमा आएको यो नै ठूलो फैसला हो। जुनमा आएको कानुनमा बलात्कारलाई पुनः परिभाषित गर्दै यौन सम्पर्क गर्ने कानुनी उमेरलाई बढाएर १३ बाट १६ पुर्याइएको थियो।
जापानका सामाजिक कार्यकर्ताले यो फैसलाको स्वागत गरेका छन्। उनीहरूले पुरानो कानुनले पीडितलाई खुलस्त बोल्नबाट रोकेको टिप्पणी गरेका छन्।
भएको के थियो?
पीडित गोनोईका अनुसार अगस्ट २०२१ मा तीन पुरुष सहकर्मीहरूले उनलाई ओछ्यानमा पल्टाएर हात र गोडा फैलाएका थिए। उनीहरूले गोनोईलाई थिच्दा त्यहाँ करिब एक दर्जन अन्य सहकर्मीहरू समेत उपस्थित भए पनि ती तीन जनालाई रोक्नुको साटो हाँसिरहेका थिए।
गोनोईले घटनाबारे आफ्ना उच्च अधिकारी जानकारी दिइन् तर त्यहाँ पनि उनको सुनुवाइ भएन। उनलाई प्रमाण दिन भनिएको थियो, उनीसँग प्रमाण थिएन।
पछि, ग्राउन्ड सेल्फ डिफेन्स फोर्स प्रहरी युनिटद्वारा ती तीन पुरुषलाई अभद्र व्यवहारको अभियोगसमेत लगाइएको थियो तर प्रमाणको अभावमा मुद्दा खारेज भएको थियो। त्यसपछि गोनोईले सेनाको जागिर छोडेकी थिइन्।
गत वर्ष उनले युट्युबमा आफ्नो पीडा पोखेपछि यो घटना भाइरल भयो। घटनाको अनुसन्धानको लागि रक्षा मन्त्रालयलाई दवाव बढाउन उनले एक लाख भन्दा धेरै हस्ताक्षर संकलन गरेकी थिइन्।
पछि मन्त्रालयले उनीसँग माफी माग्दै छानबिन प्रक्रिया अघि बढाएको थियो। जसमा मन्त्रालयका अधिकारीहरूले मन्त्रालयमा दुर्व्यवहार र उत्पीडनको १ सय भन्दा धेरै उजुरी आएको बताएका थिए।
घटना सार्वजनिक भएपछि गोनोईमाथि अनलाइन दुर्व्यवहार भएको थियो भने ज्यान मार्ने धम्कीसमेत आएको उनले बीबीसीसँगको कुराकानीमा बताएकी छन्।
तीन जनाले गरेको यौन दुर्व्यवहारको घटनाअघि पनि उनले दिनहुँजसो यौन उत्पीडितको सामना गरिरहेकी थिइन्। सहकर्मीहरूले उनको शरीरको बारेमा टिप्पणी गर्ने र जिस्क्याउने गरेको उनको भनाइ छ।
यसका अतिरिक्त गोनोईले पाँच पुरुष अपराधी र जापान सरकारविरुद्ध मुद्दा दायर गरेकी छन्।
मानसिक तनाब दिएको भन्दै उनले तीन पुरुषहरूबाट ४० हजार अमेरिकी डलर अर्थात् ५५ लाख ऐन र घटना रोक्न रोक्न राज्य विफल भएकोमा सरकारसँग २० लाख ऐनको क्षतिपूर्ति माग गरेकी छन्।
गोनोई सन् २०२३ मा बीबीसीको १०० प्रेरणादायी महिलाको सूचीमा समेत परेकी थिइन्।
