गम्भीर कुपोषणबाट बिरामी आफ्नो एक वर्षीय छोरालाई उपचार गर्न अस्वीकार गर्दै एयर गनले धेरै पटक गोली हानेको आरोपमा एक जापानी बाबुलाई अदालतले बिहीबार १६ वर्षको जेल सजाय सुनाइएको छ।
फुकुओका जिल्ला अदालतले फुकुओका प्रान्तको तागावामा बस्ने २७ वर्षीय मसानोरी जोकेईलाई आफ्नो छोरा युइगालाई चोट पुर्याएको र आफ्नो आमाबाबुको रूपमा आफ्नो जिम्मेवारी त्यागेर उनको मृत्युको कारण दोषी ठहर गर्दै १६ वर्षसम्मको जेल सजाय सुनाइएको हो ।
सन् २०१८ को नोभेम्बर अन्ततिर जोकेईले युइगालाई एयर गनले गोली हानेको जसको कारण उनको शरीरभरि चोट लागि निको हुन करिब तीन हप्ता लागेको थियो ।
जोकेईले आफ्नी श्रीमती र बच्चाकी आमा ऐसँग पनि त्यही वर्षको अक्टोबरमा युइगालाई कुपोषणको चपेटामा परेकै कारण छाड्ने षड्यन्त्र समेत गरेका थिए। छोराको हातखुट्टा सहितको हड्डी भाँचिएको र संक्रामक श्वासप्रश्वास रोगले आक्रमण गर्दा पनि दम्पतीले उनलाई डाक्टर कहाँ उपचारको लागि नलगिएको समेत अदालतले ठहर गरेको छ । युइगाको एक वर्ष चार महिनाको उमेरमा डिसेम्बर १, २०१८ मा तीव्र श्वासप्रश्वासको विफलताबाट मृत्यु भएको थियो ।
“पीडितले उसलाई दिएको शारीरिक पीडाको लागि मात्र नभई उसको आमाबाबुबाट सुरक्षाको अभाव र पीडा महसुस गरेको हुनुपर्छ, जसमा उसले भर पर्न सक्नुपर्थ्यो, त्यो नै उनले पाउन नसक्नु गम्भिर गंभीर अपराध हो ।” प्रधानन्यायाधीश अत्सुशी टोमिताले आफ्नो आफ़नो फैसलामा भनेका छन ।
मुद्दाको पहिलो सुनुवाइमा जोकेईले आरोप अस्वीकार गरे र जिज्ञासामा मौन रहे।उनको १६ वर्षको सजाय अभियोजन पक्षले मागेको सजायसँग मेल खाएको छ ।
युइगाकी २७ वर्षीया आमालाई आफ्नो जिम्मेवारी त्यागेर उनको मृत्यु गराउने दोषी ठहर भई आठ वर्षको जेल सजायको फैसला भइसकेको छ ।
