१६५ सिटमा कुन दलबाट को उम्मेदवार? सूचीमा हेर्नुहोस्

आगामी प्रतिनिधिसभाको निर्वाचनका लागि दलहरुले धमाधम उम्मेदवार तय गरिरहेका छन्। असोज २३ गते (आइतबार) देशैभरिका निर्वाचन कार्यालयहरुमा मनोनयन दर्ता गर्नुपर्ने निर्वाचन कार्यतालिका भएका कारण दलहरु आजै रातभरिमा उम्मेदवारको टुंगो लगाउनैपर्ने दबावमा छन्।

अन्तिम घडीमा आएर उपेन्द्र यादव नेतृत्वको जनता समाजवादी पार्टी (जसपा) ले सत्तारुढ गठबन्धनबाट आकस्मिक रुपमा बाहिरिएर एमालेसँग मोर्चा कसेको छ।

एमाले अध्यक्ष केपी शर्मा ओलीसँग लिखित सम्झौता गर्दै जसपाले मधेसमा १६ र सुनसरीमा एउटा गरी प्रतिनिधिसभाका १७ सिटमा एमालेसँग तालमेल गरेको छ।

यसवापत जसपाले ३५ सिटमा एमालेलाई सघाउनुपर्ने भएको छ। प्रदेशतर्फ पनि मूूलतः मधेसमा एमाले र जसपावीच तालमेल भएको छ। तालमेल नभएका सिटमा भने एमाले र जसपाले आ–आफ्ना उम्मेदवार उठाउने र प्रतिस्पर्धा गर्नेछन्।

एमालेले राजेन्द्र लिङदेन नेतृत्वको राप्रपासँग प्रतिनिधिसभाका तीनवटा सिटमा तालमेल गरेको छ। झापामा राजेन्द्र लिङदेन, रुपन्देहीमा दीपक बोहोरा र बाँकेमा धवल शमशेर जबरालाई एमालेले सघाउने छ भने झापा ५ मा केपी ओलीलाई राप्रपाले सघाउने छ। बाँकी सिटमा राप्रपा–एमालेले आ–आफ्नै उम्मेद्वार उठाउने र प्रतिस्पर्धा गर्नेछन्।

यसैगरी नेपाली कांग्रेसको नेतृत्वमा कसिएको अर्को ध्रुवको गठबन्धनमा माओवादी, एकीकृत समाजवादी र राष्ट्रिय जनमोर्चा सहभागी छन् भने उपेन्द्र यादव बाहिरिना साथ महन्थ ठाकुर नेतृत्वको लोकतान्त्रिक समाजवादी पार्टी (लोसपा ) कांग्रेस–माओवादीको मोर्चामा सामेल हुन आइपुगेको छ।

जसपाले छाडेर गएपछि मधेसका ८ वटा सिट लोसपालाई दिने प्रयास शनिबार कांग्रेस–माओवादी नेताहरुले गरे पनि सत्तारुढ गठन्धनको भागवण्डा साँझसम्म मिलिसकेको खबर बाहिरिएको छैन। तथापि आजै सबै सिटमा तालमेल जुटाइसक्ने दबावमा दलहरु छन्।

सत्ता गठबन्धनले शुक्रबार साँझ नै पार्टीले पाउने सिटहरुको टुंगो लगाएता पनि आन्तरिक रुपमा कसलाई उउम्मदेवारी दिने टुंगो लगाउन सकेनन्। कांग्रेसले रातभरि बैठक गर्दा पनि १० सिटमा मात्र आफ्नो दलका उम्मेदवारहरुको टुंगो लगायो। शनिबार दिनभर कांग्रेस र माओवादीका नेताहरु आन्तरिक बैठक गरेर आफूले पाएका सिटमा उम्मेदवार टुंगो लगाउने कसरतमा जुटेका छन्।

हालसम्म तय भएका प्रतिनिधिसभाको  सिट बाँडफाँट र टुंगो लागेका उम्मेदवारको सूची यस्तो छ– 

( नोट:कोष्ठभित्र लेखिएको दलको नामले गठबन्धन उम्मेदवारलाई संकेत गर्दछ। खाली रहेका उम्मेदवारको नाम टुंगिएसँगै निरन्तर अपडेट गरिनेछ – सं) नेपालखबरको सहयोगमा