दक्षिणपश्चिम जापानको क्युसु क्षेत्रका साथै यामागुची र ओकिनावा प्रान्तमा श्रमिक अभावका बिचमा राष्ट्रिय औसतभन्दा बढी दरमा विदेशी बासिन्दाको संख्या बढ्दै गएको छ।
१ जनवरी २०२४ को आधारभूत बासिन्दा दर्ता डेटामा आधारित रहेर आन्तरिक मामिला र सञ्चार मन्त्रालयले जुलाई २४ मा जारी गरेको तथ्याङ्कमा यो तथ्य देखा परेको हो । यी क्षेत्रहरूमा जापानी नागरिकहरूको जनसंख्या घट्दै गैरहेको बेला यस्तो तथ्यांक सार्वजनिक भएको हो।
क्युशुको फुकुओका प्रिफेक्चरको जनसंख्या विदेशी नागरिक सहित ५० लाख ९५ हजार ३७९ जनसंख्या रहको छ । यो संख्या अघिल्लो वर्षको तुलनामा ९ हजार ५४२ ले कमी हो । यसले फुकुओकालाई जापानको ४७ प्रिफेक्चरहरू मध्ये आठौं सबैभन्दा धेरै जनसंख्या भएको देखाएको छ । अघिल्लो वर्ष नवौं भन्दा बढि हो । हाल ५ लाख ९३ हजार ९८३ जनसंख्या भएको होक्काइडोलाई उछिनेको छ।
टोकियो र देशभरका अन्य पाँच प्रिफेक्चरहरूले आफ्नो जनसङ्ख्यामा “सामाजिक वृद्धि” देखेपछि अन्य प्रान्तहरूबाट जापानी बासिन्दाहरूको आगमनले बहिर्वाहलाई उछिनेको थियो । फुकुओका क्युशुको एक मात्र प्रान्त थियो जसले यस्तो वृद्धि अनुभव गरेको थियो।
क्युशुको नागासाकी प्रीफेक्चरले जापानी जनसंख्यामा उच्च दरमा गिरावट खेप्नु परेको परेको छ । जुन अघिल्लो वर्षको तुलनामा १.४२ प्रतिशतले घटेको छ। यो जापानका प्रिफेक्चरहरूमा छैटौं ठूलो गिरावट हो । नागासाकी बाहेक गिरावटको दरले फुकुओका बाहेक अन्य पाँच प्रान्तहरू साथै पश्चिमी जापानको यामागुची प्रिफेक्चरमा पनि राष्ट्रिय औसत ०.७ लाई पार गरेको छ ।
कुमामोतो प्रिफेक्चरमा पनि देशको उच्चतम विदेशी जनसंख्या वृद्धि दर देखाएको छ । अघिल्लो वर्षको तुलनामा २४.१८ प्रतिशत बढ़ेको तथ्यांक छ । २०२३ मा देशको चौथो स्थानबाट फड़को मार्दै गएको छ । प्रीफेक्चरले ताइवान सेमीकन्डक्टर उत्पादन कम्पनी (TSMC) को उत्पादन आधार होस्ट गर्दछ। यो विश्वको सबैभन्दा ठूलो अर्धचालक उत्पादक हो ।
क्युशुका सागा र नागासाकी प्रिफेक्चरहरूले पनि विदेशी जनसंख्या वृद्धि दर उल्लेखनीय रूपमा अघिल्लो वर्षको ११.०१ प्रतिशतको राष्ट्रिय औसतलाई पार गरेको छ। यसले उनीहरूलाई विदेशी जनसंख्या वृद्धिमा देशमा तेस्रो र चौथो स्थानमा राखेको छ। ती प्रीफेक्चरहरूमा बस्ने विदेशी प्राविधिक प्रशिक्षार्थीहरूको बढ्दो संख्याले दर वृद्धिमा योगदान पुर्याएको देखिन्छ।
नगरपालिका अनुसार फुकुओका सहर लगातार दोस्रो वर्ष जापानी बासिन्दाहरूको संख्यामा वृद्धिको आधारमा राष्ट्रिय वरियातामा शीर्ष स्थानमा छ । “यो फुकुओका बस्न, काम गर्न र सिक्नको लागि सुविधाजनक भएको परिणाम हो,” फुकुओका नगरपालिका सरकारका अधिकारीले भने ।
