बिहीबार राति टोकियो नजिकैको साइतामामा आफ्नो घरमा भेट्न आएका तीन जना स्वास्थ्यकर्मीलाई ६६ वर्षीय एक व्यक्तिले बन्दुकद्वारा गोली प्रहार गरि आक्रमण गरेर बन्धक बनाएका मध्य एकजनाको मृत्यु भएको प्रहरीले पुष्टि गरेको छ।
प्रहरीले साइतामा प्रान्तको फुजिमिनोमा रहेको हिरोशी वातानाबे भनेर चिनिने व्यक्तिको घरमा भएको उक्त घटनालाई शुक्रबार बिहान ११ घण्टापछि प्रहरीले छापा मारेर निजलाई गिरफ्तार गरेपछि स्थिति नियन्त्रणमा आएको हो।
आक्रमणपछि बन्धक बनाएर राखिएका ४४ वर्षीय डाक्टर जुनिची सुजुकीको मृत्यु भएको, गोली लागेका ४१ वर्षीय फिजियोथेरापिस्ट स्वास्थ्यकर्मी बेहोस रहेको र अश्रुग्यास प्रहारबाट घाइते भएका तेस्रो स्वास्थ्यकर्मीलाई पनि अस्पताल लगिएको प्रहरीले जनाएको छ ।
संदिग्ध हिरोशी वातानाबेको आमाको हालै मृत्यु भएकोले शोक व्यक्त गर्न निजको घरमा बिहीबार राती ९ बजे तीनजना गएका थिए । उनीहरूले आमाको घरमै चिकित्सा हेरचाहको जिम्मामा लिएको अनुसन्धानमा पाईएको प्रहरीले जनाएको छ ।
करिब एकै समयमा ठूलो आवाज सुनेपछि छिमेकीले खबर गरेपछि घटनास्थलमा प्रहरी पुग्दा दुई जनालाई गोली हानेको संदिग्धले बताएका थिए ।
झडपको क्रममा प्रहरीले वातानाबेसँग फोनमा कुरा गर्यो। संदिग्धले कुनै खास माग गरेनन्, उनीहरूले बन्धक बनाईएकाहरू “ठीक छ” भनी उद्धृत गर्दै भने, “म उसलाई मद्दत गर्न चाहन्छु, कृपया उसलाई उद्धार गर्नुहोस्।”
छिमेकीहरूका अनुसार वातानाबे बिरामीले ओछ्यानमा परेकी आमासँग बस्दै आएका थिए । छिमेकी ७४ वर्षीया महिलाले भनिन्, “उनी साँच्चै आफ्नी आमाको हेरचाह गर्नमा समर्पित थिए भन्ने धारणा मैले पाएँ।
वातानाबे धेरै वर्ष अघि आफ्नी आमासँग यस क्षेत्रमा सरेका थिए, एक ९१ वर्षीय पुरुषले भने।आफ्नी आमाको हेरचाह गर्नु पर्ने भएकाले नियमित गतिविधिमा सामेल हुन सकेका थिएनन।
शुक्रबार बिहानसम्म जारी अवरोधलाई नियन्त्रणमा लिन स्थानीय अधिकारीहरूले लगभग ११० स्थानीय बासिन्दाहरूलाई त्यस क्षेत्रमा खाली गरेका थिए र नजिकैका प्राथमिक र जुनियर हाई स्कूलहरू एक दिनको लागि बन्द गरेका थिए।
नजिकै बसोबास गर्ने १९ वर्षीय युनिभर्सिटीका विद्यार्थीले बिहीबार राति घरमा हुँदा ठूलो आवाज सुनेपछि हतार-हतार नजिकैको एउटा प्राथमिक विद्यालयमा सुरक्षाका लागि स्थलको रूपमा प्रहरीले तोकेको बताए साथै उनले भने “म डराएको थिएँ। म चाँडै त्यो क्षेत्र छोड्न चाहन्थें।”
एक ५४ वर्षीय मानिसले सडकमा व्यापक प्रहरीका कारहरू देखेपछि कतै आगलागी भएको भन्ने सोचे तर पछि मानिसहरू खाली गर्दा म छक्क परें कि यो सामान्यतया शान्त क्षेत्र भएकोले के भयो भन्ने लागेको बताए ।
