जापानको कोरोनाभाइरस सम्बन्धी मुख्य सल्लाहकारले हाल देखापरेको ओमिक्रोन भेरियन्ट BA.2 का लक्षणहरू अघिल्लो स्ट्रेनहरू भन्दा कम गम्भीर रहेकोले देशले अब सामाजिक गतिविधिहरू “पूर्ण रूपमा” रोक्न आवश्यक नरहेको बताएका छन ।
मुख्य सल्लाहकार शिगेरु ओमीले जापानी संचारमाध्यम क्योदो न्यूजसँगको अन्तर्वार्ताका क्रममा जापानको कोरोनाभाइरसको अवस्था नयाँ चरणमा प्रवेश गरेकोले सरकारले अप्रिल २०२० मा देशमै पहिलो पटक कोभिड-१९ को कडा नियन्त्रणहरूमा ध्यान केन्द्रित गर्दै विभिन्न राज्यमा आपतकालिन घोषणा गरिएको जस्तो विद्यालय र डिपार्टमेन्ट स्टोरहरू बन्द गर्ने जस्ता उपायहरू अवलम्बन गर्नुपर्ने आवश्यकता नरहेको स्पष्ट पारेका हुन ।
“हामीलाई अब सामाजिक गतिविधिहरू पूर्ण रूपमा बन्द गर्ने जस्तो विकल्प चाहिँदैन,” ओमीले भने, महामारीको दुई वर्ष भन्दा बढी लामो समयपछि मानिसहरूले भाइरससँग कसरी सामना गर्ने भनेर सिकेका छन्।
उनले भने “संक्रमित व्यक्तिको संख्या घटाउने उपायहरूमा मात्र ध्यान केन्द्रित गरिरह्यौं भने सार्वजनिक समझ र सहयोग प्राप्त गर्न गाह्रो छ,”
सामाजिक र आर्थिक गतिविधिमा सम्भावित प्रतिबन्धका विषयमा प्यानल अझै विभाजित छ, ओमीले भने-प्यानलले नयाँ केसहरूको संख्या र विभिन्न उपायहरू अनुसार चिकित्सा अवस्थाहरूमा परिवर्तन अनुकरण गरेर सुझाव दिनेछ।
कोरोना संक्रमण फेरि वृद्धिको बारेमा बोल्दै केही विशेषज्ञहरूले सातौं लहरको शुरुवात भनेका छन् । तर ओमीले ओमिक्रोन भेरियन्टको BA.2 सबटाइप छिटो फैलिएपनि मानिसहरूले सामान्य दैनिक गतिविधिहरू पुन: सुरु गर्ने जस्ता कारकहरूलाई असर नपार्नेमा उनको जोड दिए।
जापानमा आइतबारसम्म ४७५९८ नयाँ संक्रमितहरूको देखा परेको र ४८ जनाको निधन भएको पुष्टि गरेको छ । फेब्रुअरीको सुरुमा देखिएका १ लाख भन्दा बढी दैनिक संक्रमण मध्ये आधा भन्दा कम रहेको तर तिनीहरू मार्चको अन्त्यबाट बढ़न थालेका छन्।जापानमा हालसम्म ७३ लाख ४४ हजार २ सय ७ जना संक्रमित भएका छन । यी मध्य २९ हजार १५ जनाको मृत्यु भैसकेको छ ।
मुख्य सल्लाहकार ओमीले अप्रिलको अन्त्यबाट सुरु हुने गोल्डेन विक बिदाहरूमा संक्रमणको संख्या थप बढ्न सक्ने बताए । वृद्ध व्यक्तिहरूलाई प्रदान गरिएको बुस्टर शटहरूको प्रभावकारिता घट्न थालेपछि गम्भीर केसहरूको संख्या जुन महिनाको आसपास बढ्न सक्ने संकेत समेत उनले गरेका छन।
“संक्रमित जनसंख्या युवाहरूबाट वृद्धहरूमा सर्दैछ,” ओमीले भने।कम महँगो औषधिले मध्यमदेखि दीर्घकालीन अवस्था सुधार्ने अपेक्षा गरिएको उनले बताए ।
