उत्तरपूर्वी जापानमा बुधबार राति गएको शक्तिशाली भूकम्पमा परी दुई जनाको मृत्यु हुनुका साथै अन्य धेरै घाइते भएको प्रहरी र दमकल अधिकारीहरूले बताएका छन्।
NHK ले संसारभरका प्रसारण स्टेशनहरू मार्फत प्राप्त जानकारीका आधारमा भूकम्पमा दुई जनाको मृत्यु भएको छ र कम्तिमा १२६ जना घाइते भएका छन्।
त्यसमध्ये मियागी र फुकुसिमा प्रान्तका विभिन्न ठाउँमा अग्नि नियन्त्रण विभागसँग जानकारी लिदा मियागी प्रान्तमा कम्तीमा ७३ जना र फुकुसिमा प्रिफेक्चरमा ३५ जना घाइते भएका थिए र बिहान ८ बजेसम्म अस्पतालमा उपचार भईरहेको थियो ।
त्यसैगरी इवाते प्रान्तमा ३ जना, अकिता प्रिफेक्चरमा १ जना, यामागाता प्रान्तमा ३ जना र कान्टो कोशिनेत्सुमा ११ जना घाइते भएका छन् ।
बुधवार राती ११:३६ बजेको गएको भूकम्पका कारण जापान मौसम विज्ञान एजेन्सीले प्यासिफिक तट मियागी र फुकुशिमा प्रान्तहरूमा १ मिटर उचाइसम्मको सुनामी चेतावनी जारी गरिएपनि अपेक्षाकृत सानो सुनामी छालहरू देखेपछि बिहीबार बिहान चेतावनी हटाइएको छ ।
प्रधानमन्त्री फुमियो किशिदाले ठूलो भूकम्प पछि प्रभावित क्षेत्रहरूमा आणविक प्लान्टहरूमा अहिलेसम्म कुनै असामान्यताहरू फेला नपरेको बताएका छन ।
सुरुमा दुई मिनेट अघि ६.१ म्याग्निच्युडको भूकम्प गएको उक्त भूकम्पले मियागी र फुकुशिमाका केही भागहरूमा जापानको भूकम्पीय तीव्रता ७ रेक्टर स्केलमा ६ मापन गरेको एजेन्सीले जनाएको छ ।
एजेन्सीले फुकुसिमामा करिब ५७ किलोमिटर गहिराईबाट आएको M7.4 भूकम्पमा पनि त्यस्तै स्केलको भूकम्पको चेतावनी दिएको छ, जुन पूर्वी, मध्य र पश्चिमी जापान लगायत देशका विभिन्न भागमा पनि महसुस गरिएको थियो।
फुकुसिमाको फुकुशिमा स्टेसन र मियागीको शिरोइशिजाओ स्टेशनको बीचमा करिब १०० यात्रु बोकेको तोहोकु शिन्कानसेन बुलेट ट्रेन पटरीबाट खसेपनि तर कुनै पनि चोटपटक नलागेको पूर्वी जापान रेलवे कम्पनीले जनाएको छ ।
फुकुशिमाको तटीय शहर सोमामा धेरै घाइते भएको जानकारीसहित मियागी र फुकुशिमाका अग्नि विभागहरूले आपतकालीन उद्धारको अनुरोध गरेका धेरै कलहरू प्राप्त गरेको बताएका छन । सोमाका एक पुरुषको भूकम्पका कारण मृत्यु भएको नगरपालिकाले जनाएको छ ।
मियागी र फुकुशिमा मात्र नभएर कानागावा, इबाराकी, इवाते, अकिता र यामागाटा प्रान्तमा पनि चोटपटक लागेको रिपोर्ट गरिएको क्योदो समाचारले उल्लेख गरेको छ।
भूकम्पले उत्तरपूर्वी र पूर्वी जापानमा बिजुली अवरुद्ध गराएको थियो, टोकियोका लगभग ७००,०००लगायत कुल २.२ मिलियन भन्दा बढी घरपरिवारलाई असर पारेको थियो, TEPCO पावर ग्रिड इंक र तोहोकु इलेक्ट्रिक पावर नेटवर्क कम्पनीका अनुसार पछि तिनीहरूमध्ये धेरैजसोमा बिजुली पुनर्स्थापित गरिसकिएको छ।
भूकम्पपछि मियागीको इसिनोमाकी बन्दरगाहमा ३० सेन्टिमिटरसम्मको सुनामी छालहरू देखा परेपछि एजेन्सीले सो क्षेत्रका बासिन्दाहरूलाई तटीय क्षेत्रबाट टाढा रहन आग्रह गरेको जनाएको छ।
देशको आणविक नियामकले फुकुशिमाको फुकुशिमा दाइची आणविक उर्जा केन्द्रमा रिएक्टरहरू र सुविधाहरूमा कुनै असामान्यता नभएको तथ्याङ्कले देखाएको छ, यद्यपि नम्बर ५ रिएक्टरको टर्बाइन भवनमा फायर अलार्म बज़ेको थियो।
मार्च २०११ मा भूकम्पले गर्दा सुनामीको चपेटामा परेपछि समुद्री किनारको प्लान्टले धेरै पग्लिएको थियो, तर नम्बर ५ रिएक्टर सुरक्षित रहेको थियो।
किशिदाले सम्वन्धित जानकारी सङ्कलन गरी घाइतेको उद्दार गर्न र भूकम्पबाट प्रभावितलाई उपचारका लागि सक्दो पहल गर्न अधिकारीहरूलाई निर्देशन दिएको सञ्चारकर्मीलाई बताएका छन ।
अबेर रातिको भूकम्पले धेरै जापानीहरूलाई, विशेष गरी उत्तरपूर्वी जापानका मानिसहरूलाई अस्तव्यस्त तुल्यायो किनभने यो क्षेत्रलाई विनाश गर्ने M9.0 भूकम्पको ११ औं वार्षिकोत्सवको केही दिनपछि मात्रै आएको थियो।
फुकुसिमाको सोमा सिटी हलका सुरक्षा गार्डले भने, “मैले दुईवटा ठूला भूकम्पको धक्का महसुस गरेँ र जमिन हल्लिरहेको हुनाले पार्क गरिएका कारहरू माथि र तल उफ्रिरहेको देखें।” मियागीको तागाजो सिटी हलका एक सुरक्षा गार्डले दोस्रो झटका करिब १ मिनेट चलेको बताए।
भूकम्पमा परी घाइते भएकामध्ये केहीलाई उपचारका लागि मियागीस्थित टोम सिटिजन अस्पतालमा लगिएको अस्पतालले जनाएको छ ।
मुख्य क्याबिनेट सचिव हिरोकाजु मात्सुनोले बिहीबार बिहान एक पत्रकार सम्मेलनमा मियागीको ओनागावा आणविक ऊर्जा केन्द्रमा कुनै असामान्यता नभेटिएको बताए।
पूर्वी निप्पोन एक्सप्रेसवे कम्पनीले ओसाकीको तोहोकु एक्सप्रेसवे, मियागी र सोमाको जोबान एक्सप्रेसवे सहित एक्सप्रेसवेका धेरै खण्डहरू बन्द गरेको बताएको छ।
सुरुमा भूकम्पको म्याग्निच्युड ७.३ रहेको घोषणा गरिएको थियो तर पछि यसलाई ७.४ मा परिमार्जन गरिएको थियो ।
