कोभिड-१९ को संक्रमण जापानमा हवात्तै बढेर दैनिक १ लाख भन्दा बढ़ि संक्रमित हुन पुगेका छन ।
फेब्रुअरी यताकै सबैभन्दा धेरै संक्रमित भै शनिबार १ लाख १० हजार बढि पुगेसंगै एक हप्ता अघिको तुलनामा दोब्बरले संक्रमितको संख्या बढ़ेको छ । फेब्रुअरीदेखि संक्रमणहरू लगातार घट्दै गएको थियो तर जुनको अन्त्यबाट फेरि पुनरुत्थान हुदै जापानमा अत्यधिक ट्रान्समिसिबल BA.5 ओमिक्रोनको सवभेरियन्ट उत्प्रेरितद्वारा संक्रमणको सातौं लहरमा प्रवेश जानकारहरूले बताएका छन ।
सङ्क्रमणको दर बढ़ेसंगै गम्भीर अवस्थाका बिरामी र मृत्यु हुनेको सङ्ख्या बढ्ने चिन्ता बढेर गएको छ । स्वास्थ्य मन्त्रालयका अनुसार शनिवारसम्म ११४ जनाले गम्भीर कोभिड-१९ लक्षणहरू अनुभव गरिरहेका छन्।
पाँचौं र छैटौं संक्रमणको लहरमा क्रमशः करिब २,२०० र १,५०० यस्ता बिरामीहरूको संख्याको तुलनामा यो ११४ संख्या अझै न्यून छ। यद्यपि, संक्रमणमा थप बृद्धिले गम्भीर बिरामीहरूको संख्या विस्फोट रूपमा वृद्धि हुन सक्ने सक्ने डर छ।
ज्यामितीय दरमा संक्रमितको संख्या बढ़ेपछि जापान सरकारले सबै चिकित्सा कर्मचारी र वृद्ध हेरचाह सुविधाहरूमा कार्यरत कामदारहरूलाई कोभिड-१९ विरुद्दको चौथो डोजको खोप प्रदानको दायरा विस्तार गर्ने निर्णय गरेको छ ।
भ्याक्सिनको कभरेज विस्तार गर्ने निर्णय अनुसार ६० वर्ष वा माथिका र १८ देखि ५९ वर्षका बीचका बिरामीहरू र गम्भीर लक्षणहरू हुने उच्च जोखिममा रहेका व्यक्तिहरूसहित अन्य थप ८० लाख व्यक्तिहरूलाई चौथो खोपको शटका लागि दिन सकिने पनि बताईएको छ ।
सरकारले मुख्य रोकथामका उपायहरूमा मानिसहरूलाई खोप लगाउन र परीक्षण गर्न र भेन्टिलेट गर्न आह्वान गर्ने समेत निर्णय गरेको जापानी समाचार माध्यमहरूले जनाएका छन । सरकारले प्रमुख रेल स्टेशनहरू, एयरपोर्टहरू र अन्य स्थानहरूमा १०० भन्दा बढी निःशुल्क COVID-19 परीक्षण स्थलहरू स्थापना गर्न प्रान्तहरूलाई आग्रह गर्ने र मानिसहरूलाई गर्मी बिदाको मौसममा यात्रा गर्नु अघि परीक्षण गर्न आग्रह गर्ने बताएको छ ।
हाल चिकित्सा प्रणालीले सामाजिक आर्थिक गतिविधिहरूको सन्तुलन कायम राखदै संक्रमणलाई थप फैलिन नदिने उपायहरू राख्न सक्षम रहेको बताएको छ ।
देशमा हाल कायम रहेका कोभिड-१९ का संक्रमित बढ़ेपनि तत्कालका लागि सामाजिक र आर्थिक गतिविधिमा प्रतिबन्ध लगाउने कुनै योजना नभएको प्रधानमन्त्री फुमियो किशिदाले बताएका छन्।
किशिदाले अर्थतन्त्रलाई निरन्तरता दिँदै “अधिकतम सावधानी” को आवश्यकतामा जोड दिँदै, सरकारले संक्रमणको फैलावट रोक्नको लागि आफ्नो बलियो उपस्थिति जनाउने बताएका छन।
शनिबार सबैभन्दा बढी टोकियोमा १८,९१९ नयाँ संक्रमित, ओसाकामा १२,३५१, कानागावामा ७,६३८ र आइचीमा ७,२६९ नयाँ संक्रमितहरू फेला परेका थिए। देशव्यापी रूपमा २० जनाको मृत्यु भएको रिपोर्ट गरिएको छ।
टोकियो महानगर सरकारले राजधानीको COVID-19 सतर्कतालाई उच्च चार तहमा बढाएको छ ।
