निर्वाचन आयोगले ६० प्रतिशत मतदान भएको जनाएको छ ।
आयोगका प्रवक्ता शालिग्राम शर्मा पौडेलले पौने पाँच बजेसम्म ६० प्रतिशत मतदान भएको जानकारी दिनुभयो ।
यद्यपि यो तथ्याङ्क अझै बढ्नसक्ने उहाँले बताउनुभयो । मतदानका लागि केन्द्रमा प्रवेश गरिसकेकाहरुले अझै पनि मतदान जारी रहकाले अझै पनि मतदाताको संख्या बढ्नसक्ने उहाँको भनाइ छ ।
यस्तै, निर्वाचन आयोगले मतपेटिका मतगणना स्थलमा आइसकेपछि मतगणना सुरु गरिने जनाएको छ ।
सुगम स्थानहरूमा आज साँझबाट मतगणना सुरु गर्न सकिने भए पनि दुर्गम पालिकाहरुमा भने मतपेटिका आइसकेपछि हुने प्रवक्ता शर्माले बताउनुभयो ।
