सरकारी अनुमतिबिना विदेशमा गरिएको अंग प्रत्यारोपणमा मध्यस्थता गरेको आशंकामा जापानी गैर नाफामुखी संस्थाका प्रमुखलाई पक्राउ गरिएको छ, जापानमा यो पहिलो घटना भएको अनुसन्धानकर्ता स्रोतले बिहीबार बताएको छ ।
अंग प्रत्यारोपण ऐन उल्लंघन गरेको आरोपमा हिरोमिची किकुचीलाई पक्राउ गरेपछि प्रहरीले असामान्य रोगका बिरामीहरूको संघ विरुद्ध अभियोजनकर्तासहित मुद्दा दायर गरेको छ ।
६२ वर्षीय किकुचीले टोकियोमा बसोबास गर्ने ४० वर्षका एक पुरुषका आफन्तहरूलाई सरकारी अनुमतिबिना विदेशमा प्रत्यारोपण गराउन सिफारिस गरेको आशंका गरिएको छ।
बेलारुसको एक अस्पतालमा मृतक दाताको कलेजो प्रत्यारोपण गराउने व्यवस्थाको लागि सन् २०२२ को फेब्रुअरी १० मासेआफन्तहरूलाई यात्रा र प्रत्यारोपण लागतको लागि NPO को बैंक खातामा ३३ मिलियन येन ($ 251,000) तिर्न आग्रह गरेपछि सो घटना बाहिर आएको स्रोतले बताएको छ ।
तर शल्यक्रिया पछि बिरामीको अवस्था बिग्रिएको र उनले जापानमा जीवित परिवारको सदस्यबाट अर्को कलेजो प्रत्यारोपण गराएपनि निको हुन नसकेर उनको मृत्यु भएको भाएको थियो।
किकुचीले आरोपको केही अंशलाई अस्वीकार गरेका छन , प्रहरीका अनुसार विदेशमा प्रत्यारोपण गर्न अनुमति चाहिन्छ भनेर आफूलाई थाहा नभएको जिकिर गरेका छन ।
२००७ मा स्थापना भएको NPO ले आफ्नो वेबसाइटमा विदेशी चिकित्सा संस्थाहरूमा प्रत्यारोपण प्राप्त गर्न चाहने मानिसहरूलाई मार्गदर्शन गरेको तर अंग प्रत्यारोपणमा मध्यस्थता नगरेको उल्लेख छ ।
जापान अंग प्रत्यारोपण नेटवर्कलाई समर्थन गर्ने निप्पोन फाउन्डेसनका अनुसार जापान औद्योगिक देशहरूमा अंग दानको सबैभन्दा कम दरहरू मध्ये एक देश हो।
आर्थिक २०१६ मा, १०३ अंग हस्तान्तरणको लागि दर्ता भएको थियो। २०१७ मा आउदा लगभग १३ हजार ४५० बिरामीहरूद्वारा मुटु, कलेजो, मिर्गौला वा अन्य अंग प्रत्यारोपणको लागि पर्खिरहेका फाउन्डेशनले बताएको छ ।
जापानमा प्रत्यारोपण कानून अन्तर्गत अनाधिकृत मध्यस्थता निषेध गरिएको छ र उल्लङ्घन गर्नेलाई एक वर्षसम्म कैद, एक मिलियन येनसम्म जरिवाना वा दुवै सजाय हुने कानूनी व्यवस्था रहेको छ ।
