जापानमा कोभिड-१९को असरका कारण जुलाई-सेप्टेम्बर अवधिमा अर्थतन्त्र अघिल्लो त्रैमासिकको तुलनामा वार्षिक ३.६ प्रतिशतले घटेको सरकारी तथ्याङ्कले देखाएको छ।
टोकियो, ओसाका र केही अन्य प्रान्तहरूमा कोभिड-१९ को संक्रमण कम गर्न लगाइएको आपतकालीन अवस्थामा रेष्टुरेण्ट तथा भोजनालयहरूलाई छिटो बन्द गर्न र रक्सी बिक्री वितरण नगर्न गरेको आग्रहका साथै मानिसहरूलाई अनावश्यक रूपमा बाहिर ननिस्कन गरिएको अनुरोधले गर्दा चौमासिकको सुरुको ३.० प्रतिशतबाट ३.६ प्रतिशतमा अर्थतन्त्रमा संकुचन हुन पुगेको तथ्यांकहरूले देखाएको छ ।
वास्तविक कूल गार्हस्थ्य उत्पादनमा आएको कमी, मुद्रास्फीति समायोजन गरिएको मुलुकमा उत्पादित वस्तु तथा सेवाको कुल मूल्यमा मौसमी समायोजन त्रैमासिक आधारमा शून्य दशमलव ९ प्रतिशतले घटेको मन्त्रिपरिषद् कार्यालयले जनाएको छ ।
जापानी संचारमाध्यम क्योडो न्यूज द्वारा निजी क्षेत्रका अर्थशास्त्रीहरुमार्फ़त गरिएको सर्वेक्षणले अर्थतन्त्रमा २.९ प्रतिशत वार्षिक गिरावट आएको संशोधित आंकडा देखाइएको छ जुन प्रक्षेपण गरे भन्दा खराब अवस्था हो।
गत साता सार्वजनिक भएको वित्त मन्त्रालयको तथ्यांकलाई ध्यानमा राख्दै प्रारम्भिक रूपमा पुँजीगत खर्चमा ३.८ प्रतिशतले कमी आएको रिपोर्टलाई २.३ प्रतिशतमा परिमार्जन गरिएको थियो।
डिसेम्बर १ मा मन्त्रालयले प्रकाशित गरेको प्रतिवेदनमा एकै त्रैमासिकमा सबै गैर-वित्तीय जापानी कम्पनीहरूले पूँजीगत खर्च एक वर्ष अघिको तुलनामा १.२ प्रतिशतले बढेको देखाएको छ । देशको कुल गार्हस्थ उत्पादनको आधाभन्दा बढी हिस्सा ओगट्ने निजी क्षेत्रले उपभोगको १.१ प्रतिशतबाट १.३ प्रतिशतले घटेको छ।
निर्यात ०.९ प्रतिशतले घटेको र आयात १.० प्रतिशतले घटेको देखाएको छ । दुबै क्रमशः २.१ प्रतिशत र २.७ प्रतिशतले गिरावट आएको छ।
सामान्यतया जीडीपी मुद्रास्फीतिको लागि समायोजन नगरिएको प्रतिवेदनमा त्रैमासिक रूपमा १.० प्रतिशत बाट वार्षिक ४.१ प्रतिशतसम्म संकुचित भएको र सुरुमा जारी गरिएको प्रतिवेदनले २.५ प्रतिशत वार्षिक संकुचनबाट समेत संशोधित गरिएको थियो ।
