एनआरएनए आइसीसीको उपाध्यक्षमा उम्मेदवारी घोषणा गरेका रोविन्दप्रसाद श्रेष्ठ गोविन्दले एनआरएनएले श्रमिकका मुद्दामा काम गर्न नेपाललाई श्रम बजारको रूपमा विकसित गराउन पहल गर्नु पर्ने बताएका छन ।
मध्यपूर्व क्षेत्रमा बस्ने डेलिगेट्स वा गैर आवासीय नेपालीहरूमाझ आफ्नो पक्षमा समर्थन जुटाउन, योजना बनाउन साथै सल्लाह र सुझाव लिन देश दौड़ाहामा रहेका उपाध्यक्ष पदका प्रत्यासी श्रेष्ठले शनिबार एनआरएनए एनसीसी दुबईले आयोजना गरेको स्वागत तथा भेटघाट कार्यक्रममा उक्त कुरा बताएका हुन ।
वैदेशिक रोजगारीकलाई सुरक्षित बनाउन सरकार, गन्तव्य मुलुकस्थित कूटनीतिक नियोग, दूतावास लगायतसँग एनआरएनएले सहकार्य गर्दै विश्व बजारमा श्रमिकको माग र आपूर्तिलाई ध्यान राखेर नेपाललाई उकृष्ट श्रम बजारको रूपमा स्थापित गराउन आफूले पहल गर्ने बताए ।
उनले सिपसहितको श्रमिक उत्पादनका लागि सरकारले विषेश कार्यक्रम ल्याउनु पर्ने त्यसमा एनआरएनएले आवश्यक सहकार्य गर्न तयार रहेको बताए ।
एनआरएनएको बिभिन्न पदको जिम्मेवारीमा रहदा नेपालमा परेका पिडा र समस्यामा आफू अग्रपङ्तीमा रहेर कार्य गरेको बताउदै एनआरएनए उपाध्यक्ष पदका प्रत्यासी श्रेष्ठले भने- नेपालमा गएको भूकम्पको बेलामा डाक्टरसहितको टिमको नेतृत्व गरेर म जनताको घर घर पुगे, बढ़ी पीडित नेपालीलाई राहत पुर्याउन सामग्रीसहित मेरै नेतृत्वमा एनआरएनए नेपालमा पुग्यो, नाकाबन्दीको समयमा पेट्रोलियम पदार्थ र इन्धन आपूर्तिमा सहजिकरणको लागि म नै लागि परे ।
सन् २००५ देखि हालसम्म निरन्तर रूपमा एनआरएनए जापानको सदस्य हुँदै उपाध्यक्ष, आइसीसी सदस्य, एशिया प्यासिफ़िक उप संयोजक, एशिया प्यासिफ़िक संयोजक र हाल आइसीसी उपाध्यक्षको रूपमा रहेका श्रेष्ठले प्रवासमा सिकेको ज्ञान, सिप र अनुभवलाई नेपाल र गैरआवासीय नेपालीको हक अधिकार तथा नेपालको आर्थिक सम्बृद्धिका लागि प्रयोग गर्ने योजना र कार्यक्रम कार्यान्वयनको लागि एनआरएनए आइसीसी उपाध्यक्ष पदमा उम्मेदवारी घोषणा गरेको बताउदै आएका छन ।
