जापानका कम्पनीहरूले खाद्यान्न, बिजुली र पेट्रोलको बढ्दो मूल्यको बारेमा कामदारहरूको चिन्तालाई कम गर्न र उनीहरूलाई काममा ध्यान केन्द्रित गर्न उत्प्रेरित गर्नका लागि कर्मचारीहरूलाई “मुद्रास्फीति भत्ता” प्रदान गर्न थालेका छन्।
कम्प्युटर सफ्टवेयर विकासकर्ता साइबोजुले जुलाई र अगस्टमा जापान र विदेशमा कार्यरत रहेका कर्मचारीहरूलाई विशेष भत्ता स्वरूप एकमुष्ट रकम भुक्तानी गर्ने निर्णय गरेको छ।
यो रकम जापानमा काम गर्ने कामदारहरूको लागि ६० हजार देखि १ लाख ५० हजारसम्म भुक्तानी गरिने छ अर्थात् काम गरेको घण्टाको संख्यामा रकम निर्भर हुनेछ। इलेक्ट्रोनिक्स रिटेलर नोजिमा कम्तिमा चालु आर्थिक वर्षको अन्त्यसम्म जारी रहने गरी करिब ३ हजार नियमित र करार कर्मचारीहरू भत्ताका लागि योग्य हुनेछन् ।कम्पनीले मूल्य प्रवृत्तिका आधारमा आगामी आर्थिक वर्ष भत्ता दिने वा नदिने निर्णय गर्नेछ ।
यस प्रकारको भत्ता भुक्तानी साना फर्महरूमा पनि विस्तार हुने बताईएको छ। चामलको भर्मिसेल उत्पादन गर्ने केनमिन फूड्स कम्पनीले यस महिना आफ्ना लगभग १९० कर्मचारीहरूलाई प्रति कर्मचारी ५० हजार येन उपलब्ध गराएको छ।
प्रणाली विकास(सिस्टम डेप्लपर) जोयजो र सिरेमिक सामान निर्माता नागानो सिरामिक्सले प्रति महिना क्रमशः १० हजार र ३० हजार येन दिने निर्णय गरेका छन् ।
नागानो सिरामिक्सका एक अधिकारीले भने, “हामी मुद्रास्फीति कम नभएसम्म (भत्ता) कायम राख्नेछौं।” “हामी आशा गर्छौं कि यसले हाम्रा कर्मचारीहरूको जीवन अलि सजिलो बनाउने छ।”
