पूर्वी जापानको योकोहामा सहरमा चलिरहेको एक रेलमा महिलाले हथौडा जस्तो देखिने एक औजारले हमला गर्दा दुईजना महिला यात्रु घाइते भएको प्रहरीले जनाएको छ ।कानागावा प्रिफेक्चरको इजुमी प्रहरी स्टेशनले आक्रमणकारीको खोजी भैरहेको जनाएको छ ।
योकोहामाको इजुमी वार्डको शोनानदाइ स्टेशनको लागि जाँदै गरेको म्युनिसिपल सबवे ब्लू लाइनको छ वटा कार भएको चलिरहेको ट्रेनमा मंगलबार दिउँसो २ बजेर १० मिनेटमा भएको उक्त घटना थियो।संदिग्ध व्यक्तिले एक ७१ वर्षीया महिला र १८ वर्षीया हाई स्कूलकी छात्राको टाउकोमा प्रहार गरेको थिइन ।आक्रमणबाट दुवैजनालाई सामान्य चोट लागेको छ ।
कालो पाइन्ट लगाएको र कालो कपाल भएको भनिएको आक्रमणकारी हमलापछि अर्को गाडीमा चढेर भागेको भागेकी थिइन । आक्रमणकारी महिलाको उमेर ६० वर्षको आसपास रहेको र करिब १५० सेन्टिमिटर अग्लो भएको बताइएको छ।
नाकादा स्टेसनमा एकजना पीडितले आफूलाई हथौडाले प्रहार गरेको भन्दै प्रहरी अधिकारीलाई खबर गरेपछि यो घटना बाहिर आएको हो।
