बागलुङमा विश्व कै सबैभन्दा लाम झोलुङ्गे पुलबाट खसेर एक जनाको मृत्यु भएको छ ।
५६७ मिटरको बागलुङको बाङ्गेचौर र पर्वतको पाङ जोड्ने गरि कालीगण्डकी नदिमाथि निर्माण भएको झोलुङ्गे पुलबाट खस्दा बागलुङ नगरपालिका–४ रातमाटाका २२ वर्षीय शेरबहादुर थापाका मृत्यु भएको हो ।
बुधबार साँझ ५ः४५ बजे पुलबाट कालीगण्डकी नदि किनारमा खस्दा थापाको घटनास्थलमै मृत्यु भएको जिल्ला प्रहरी कार्यालय बागलुङका प्रहरी निरीक्षक दिपक बाबु केसीले नयाँ विश्वलाई जानकारी दिए ।
थापा पुलबाट १३८ मिटर तल कालीगण्डकी नदिमा खसेको केसीले बताउनु भयो । मृतकलाई धौलागिरि अस्पतालमा राति ९ बजे पोष्टमार्टमको लागि लगिएको र भोलि मात्र पोष्टमार्टम हुने जिल्ला प्रहरी कार्यालय बागलुङले जनाएको छ ।
युवक थापाले आत्महत्या गरेको हो वा अरु के कारणले सो घटना घटेको त्यस बारे अनुसन्धान भइरहेको प्रहरीले जनाएको छ ।
