Rice grain
टोकियो, जापानमा बढ्दो चामलको मूल्यलाई मध्यनजर गर्दै सरकारले आफ्नो भण्डारणमा रहेको चामललाई निकासी गर्ने योजना बनाएको छ।
अप्रत्यासित रुपमा बढ्दो मूल्यलाई नियन्त्रण गर्नका लागि सरकारद्वारा भण्डारण गरिएको चामलको निकासीलाई छिटो गर्न परिमाण र यसको मूल्य निर्धारणको विवरण आउने हप्ताको सुरुमा जारी गरिने कृषि मन्त्री ताकु इतोले बताएका छन्।
सरकारले एक वर्ष भित्र पुरानो मूल्यमा फिर्ता गर्न सक्ने शर्तमा कृषि सहकारी र अन्य थोक बिक्रेताहरूलाई भण्डारण गरिएको चामल बेच्ने योजना बनाएको हो।
गत महिना कृषि, वन तथा मत्स्यपालन मन्त्रालयले बढ्दो मूल्यलाई रोक्नको लागि भण्डार गरिएको चामल जारी गर्ने नीतिलाई खुकुलो बनाएको थियो, जुन पहिले कमजोर फसलको समयमा सीमित थियो।
सरकारले यो उपाय लागू गरेर वितरण अभाव कम गर्ने उद्देश्यले राखेको बताइएको छ। यो उपाय जापानी मुख्य खाद्य पदार्थको भण्डारको पहिलो हुने जसको गर्दा मूल्यमा कमी आउन सक्ने सरकारकाे अपेक्षा रहेको छ। “यदि मूल्य अझै बढ्यो भने, उपभोक्ताहरूले चामल रोज्न पूर्ण रूपमा बन्द गर्न सक्छन्,” कृषि मन्त्री इतोले पत्रकार सम्मेलनमा भने।
डिसेम्बरमा जारी गरिएको उपभोक्ता मूल्य तथ्याङ्कका अनुसार एक वर्ष अघिको तुलनामा चामलको ६४.५ प्रतिशतले वृद्धि भएको देखाएको छ। चामलको स्थिर आपूर्तिलाई प्रवर्द्धन गर्ने संस्थाले जनवरीमा गरेको सर्वेक्षणले आगामी तीन महिनामा थप मूल्य वृद्धिको अपेक्षा बलियो भएको देखाएको छ।
गत गर्मीयामदेखि चामलको माग तीव्र भएको छ । डिसेम्बरको अन्त्यसम्म प्रमुख वितरकहरूले सुरक्षित गरेको चामल एक वर्ष अघिको तुलनामा २,१०,००० टनले घटेको छ, यद्यपि २०२४ को चामलको बाली १८०,००० टनले बढेको छ।
मन्त्रालयले थोक बिक्रेता र किसानहरूले थप मूल्य वृद्धिको आशामा चामलको भण्डारण गरिरहेको आशंका गरेको छ।
