कोरोना भाईरसको नया भेरियन्ट ओमिक्रोन जापानमा देखिएपछि गत नोभेम्बर अन्त्यदेखि फेब्रुअरीको अन्त्यसम्मका लागि विदेशीहरूलाई जापान प्रवेशमा कडाइ गरिएपछि यो नियम वैज्ञानिक नभएको भन्दै विभिन्न निकाय र क्षेत्रबाट आलोचना हुन थालेपछि प्रधानमन्त्री फुमीयो किशिदाले मार्च पहिलो हप्ताबाट पूर्ववत अवस्थामा विदेशीलाई जापानमा प्रवेशमा सहजता बनाई क्वारेन्टाइन अवधिपनि घटाउन लागेको बिहिबार बताएका छन ।
जापानले मार्चबाट कोभिड-१९ कोरोनाभाइरस नियन्त्रण तथा रोकथामका उपायलाई प्रभावकारी बनाउन गर्दै आएको सीमा नियन्त्रणको उपायलाई सहज बनाउदै दैनिक ५००० नव प्रवेशी विदेशीहरूलाई प्रवेश गराउने र क्वारेन्टाइन अवधि जापानी र विदेशी दुबैका लागि सात दिनबाट घटाएर तीन दिन गरिन लागेको प्रधानमन्त्री किशिदाले बताएका हुन।
पर्यटन बाहेक अन्य प्रयोजनका विदेशी नागरिकले जापान प्रवेश गर्न सक्नेछन्।यसका लागि मार्च महिनादेखि हालको ३,५०० बाट बढाएर प्रतिदिन ५,००० विदेशीलाई नयाँ प्रवेश गर्ने सीमा तोकेको छ।
जापान आइपुगेपछि उनीहरुलाई तीन दिन क्वारेन्टाइनमा बस्न भनिएको छ र त्यस अवधिको अन्तिम दिन कोरोना भाइरसको परीक्षण नेगेटिभ हुनुपर्नेछ । तीन पटक खोप लगाइएको र कोरोना भाईरस संक्रमण दर स्थिर भएका देशहरूबाट आएका विदेशीहरूले भने क्वारेन्टाइनमा बस्नु नपर्ने भएको छ। “यो हाम्रो प्रतिबन्धको क्रमिक सहजताको पहिलो चरण हो,” किशिदाले पत्रकार सम्मेलनमा भने।
जापानको सीमा नियन्त्रण उपायहरू जी सेभेंन देशहरूको समूहमा जापानमा सबैभन्दा कडा रहेको किशिदाले स्वीकार गर्दै भने “हामी देश र विदेशमा संक्रमण अवस्था, अन्य राष्ट्रहरूले लिइएका सीमा नियन्त्रण उपायहरू, र खोप बूस्टरहरू (जापानमा) को रोलआउटमा आएको प्रगतिलाई ध्यानमा राखेर उपायहरू कसरी हुनुपर्छ भनेर विचार गर्न जारी राख्नेछौं,” उनले भने।
स्वास्थ्य मन्त्रालयलाई सल्लाह दिने विशेषज्ञ प्यानलका प्रमुखले बुधबार भने कोभिड-१९ को बृद्धि फेब्रुअरीको शुरुमा “उचाइमा” पुगेको र त्यसमा क्रमिक सुधार आइरहेको बताएपछि पछिल्लो निर्णय आएको हो।
टोकियो सहित जापानका ४७ प्रिफेक्चरहरू मध्ये धेरैमा संक्रमण संख्या घट्दै गएको सुनिश्चित गर्न मार्चको सुरुसम्म संक्रमितको संख्यामा घट्दो ट्रेण्डलाई समेत मध्यनजर गरिने बताईएको छ ।
जापानले नोभेम्बरको अन्त्यमा कोरोनाभाइरसको अत्यधिक ट्रान्समिसिबल ओमिक्रोन संस्करणलाई रोकथाम गर्नको लागि सीमा नियन्त्रणहरूको उपाय लागू गर्ने निर्णय गरेको थियो । तर विद्यार्थी, व्यवसायी, शिक्षाविद् र सत्तारुढ लिबरल डेमोक्र्याटिक पार्टीका सांसदहरूले पनि प्रतिबन्धहरू खुकुलो पार्न सरकारलाई दबाब दिइरहेपछि सिमामा सहजता ल्याऊने भएको हो ।
जापानमा प्रवेश गर्न चाहने गैरआवासीय विदेशीहरूको एक अंशलाई मात्र अपवादको रूपमा प्रवेश दिइएको छ र नयाँ परिवर्तनहरू अप्रिलमा नयाँ विद्यालय र व्यावसायिक वर्ष सुरु हुनु अघि आउने छन।कविश्व स्वास्थ्य संगठनले राष्ट्रहरूलाई यात्रा प्रतिबन्धहरू सहज बनाउन वा हटाउन सिफारिस गरेको छ।
जनवरीमा मात्रै करिब ३०,००० विदेशी नागरिक र ४०,००० जापानीहरू जापान आइपुगेको प्रारम्भिक अध्यागमन तथ्याङ्कले देखाएको छ। प्रतिबन्धहरू खुकुलो भए पनि जापान अन्य G-7 राष्ट्रहरू भन्दा विदेशी यात्रुहरूका लागि प्रवेश गर्न गाह्रो हुने देश रहिरहने छ । उदाहरणका लागि, बेलायत र फ्रान्सले पूर्ण रूपमा खोप लगाएको प्रमाणित भएका विदेशी यात्रुहरूलाई प्रवेश गर्न अनुमति दिन्छ। खोप नभएकाहरूले कोभिड-१९ को परीक्षण नेगेटिभ भए मात्र पनि प्रवेशमा सहजता रहेको छ। अमेरिकाले विदेशी हवाई यात्रुहरूलाई खोप स्थिति र परीक्षण नकारात्मक दुवै प्रमाण देखाउन आवश्यक छ।
