जापानको जनसंख्यामा यस वर्ष पछिल्लो ९ वर्षयताकै ठूलो गिरावट देखिएको छ।
जनवरी १ मा टोकियो महानगरीय क्षेत्रमा बसोबास गर्ने जापानीहरूको संख्या सन् १९७५ मा तथ्याङ्क सुरु भएदेखि पहिलो पटक घटेको छ, जसले देशमा जन्मिने संख्यामा निरन्तर गिरावट आएको सरकारी सर्वेक्षणले देखाएको छ।
आन्तरिक मामिला मन्त्रालयको सर्वेक्षण अनुसार जापानको जनसंख्या १२ करोड ६० लाखभन्दा कममा झरेको छ। कमजोर जन्मदर र कोभिड–१९ को प्रतिबन्धको कारण बाहिरबाट आउने मानिसको संख्या घटेसँगै जापानको जनसंख्या पनि घटेको हो।
जापानमा बसोबास गर्ने जापानी र विदेशी नागरिकहरूको संयुक्त जनसंख्या ०.५७ प्रतिशतले घटेर १२ करोड ५९ लाख २७ हजार ९०२ मा पुगेको छ। अघिल्लो वर्षको तुलनामा जापानको जनसंख्या ७ लाख २६ हजारले घटेको हो।
टोकियो र तीन छिमेकी प्रान्त साइतामा, चिबा र कानागावामा जापानी जनताको जनसंख्या एक वर्ष अघिको तुलनामा ३४,४९८ अर्थात ०.१० प्रतिशतले घटेर ३ करोड ५६ लाख १० हजार ११५ मा पुगेको छ।
जापानमा बसोबास गर्ने जापानीहरुको संख्या यस वर्ष ६ लाख १९ हजार १४० अर्थात् ०.५०% ले घटेर १२ करोड़ ३२ लाख २३ हजार ५६१ मा पुगेको छ । यो लगातार १३ औं वर्षमा पनि गिरावट हो।
जापानमा विदेशी बासिन्दाको संख्या १ लाख ७ हजार २०२ अर्थात् ३.८१ प्रतिशतले घटेर २७ लाख ०४ हजार ३४१ मा पुगेको छ यो संख्या लगातार दोस्रो वर्षको लागि तल झरेको हो । गिरावट हुनुमा लामो समयसम्म कोभिड-१९ महामारीका कारण विदेशबाट जापान आउने मानिसहरूको संख्यामा कमी आएको मानिन्छ।
सन् २०२१ मा देशमा जन्मिएका जापानी शिशुको संख्या ८ लाख १२,०३६ पुगेको छ । यो रेकर्ड लगातार छैठौ वर्षको न्यून हो।
जापानले मुलुकको जनसंख्या बढाउन जन्मदर बढाउने र मानिसहरुलाई सहरी क्षेत्रभन्दा बाहिर बस्न प्रेरित गर्ने नीति ल्याएको छ। तर, सरकारको नीतिले पनि जनसंख्या बढाउन भने सकेको छैन।
सार्वजनिक भएको तथ्यांक अनुसार गतवर्ष मात्र मृत्यु हुनेमा ६ लाख २९ हजार ७०३ संख्या रहेको थियो ।
जापानको ४७ प्रान्तहरू मध्ये केवल ओकिनावामा मात्र जनसंख्या वृद्धि रहेको देखाएको छ भने अन्यमा घटेको देखियो ।
टोकियोको सामाजिक बृद्धि गत वर्षको ६०,५०१ जनाबाट घटेर १२,८४१ जनामा पुगेको छ । सम्भवतः कोभिड-१९ को फैलावटको पछाडि टाढाको कार्य प्रणालीको फैलावटको बीचमा जापानी राजधानीबाट बाहिर निस्केका मानिसहरूले गर्दा हुनसक्ने अनुमान गरिएको छ ।
टोकियो, ओसाका र नागोया महानगरीय क्षेत्रमा जापानी र विदेशी जनताको संयुक्त जनसंख्या लगातार दोस्रो वर्ष घटेर ६ करोड ६१ लाख ५३ हजार २६५ मा पुगेको छ। यो कमी भए पनि देशको सम्पूर्ण जनसङ्ख्याको ५२.५३ प्रतिशत तीनवटा महानगर क्षेत्रमा केन्द्रित छ।
जापानमा ६५ वर्षभन्दा माथिको जनसंख्यामा भने वृद्धि भएको छ। समग्र जनसंख्याको २९ प्रतिशत मानिसहरु ६५ वा सोभन्दा धेरै उमेरका छन्।
अघिल्लो वर्षको तुलनामा यस वर्ष यो उमेर समूहको हिस्सा पनि ०.२७ प्रतिशतले बढेको हो। जापानको जनसंख्यामा ६५ वर्षमाथिको उमेर समूहको हिस्सा सन् १९९४ यताकै उच्च हो।
