जापानका तत्कालीन प्रधानमन्त्री शिन्जो आबेको प्रशासनले कोरोनाभाइरस महामारीको सुरुमा खरिद गरेको ठूलो संख्यामा प्रयोग नगरिएका “एबेनोमास्क” मध्य करिब ५ लाख ३० हजार कपडाको मास्क हराइएको स्वास्थ्य मन्त्रीले हाउस अफ काउन्सिलर बजेट समितिको बिहिबारको बैठकमा बताएका छन ।
स्वास्थ्य मन्त्री शिगेयुकी गोटोले ती माक्सको रेकर्ड पनि नभएको र भण्डारण पनि गरेको नपाईएको स्वीकार गर्दै माथिल्लो सदनको प्यानल बैठकमा माफी माग्दै भने “यद्यपि त्यसबेलाको परिस्थिति, आवश्यक, द्रुतता, सूचीको तथ्याङ्कमा विसंगति अत्यन्तै खेदजनक छ।”
जापानको प्रमुख विपक्षी संवैधानिक लोकतान्त्रिक पार्टीका माथिल्लो सदन सदस्य माइको ताजिमाले समितिको बैठकमा खरिद संख्याबाट सार्वजनिक गरिएको वितरणमा मास्कको संख्या घटाईयो भने यो सूचीको आंकडासँग मेल नखाएकोले लगभग ५ लाख ३० हजार हराएको विषय औल्याएका थिए ।
स्वास्थ्यमन्त्री गोटोले बैठकमा उठेका विषयमा जवाफ दीदार भने “यो साँचो हो कि स्टकमा रहेको वास्तविक र संख्या कागजमा उल्लेखित संख्या भन्दा करिब ५ लाख ३० हजार माक्स कम छ।” उनले अगाडि थपे “त्यतिबेला, प्याकेज गरी देशभरका कार्यस्थलहरूमा ठूलो संख्यामा मास्कहरू पठाइएको थियो र विसंगति डिलिवरी नम्बरहरू र अन्य प्रक्रिया त्रुटिहरू मिलाउन नसक्दाको परिणाम यो भएको हो ।”
जापानको लेखापरीक्षण बोर्डमा मास्क निरीक्षण गर्ने अधिकारीले पनि सबै डेलिभरी नम्बरहरू सही रूपमा रेकर्ड नभएको औंल्याएका छन ।
स्वास्थ्य मन्त्रालयले उनीहरूलाई अनुरोध गरेका व्यक्ति र संस्थाहरूलाई स्टकमा रहेको ८२.७२ मिलियन मास्कहरू दिने योजना बनाएको छ। गोटोले संसदीय प्यानललाई भने, “यस पटक यस्तै गल्तीहरूबाट बच्न हामी डेलिभरीको काम राम्ररी व्यवस्थित गरिएको छ भनेर सुनिश्चित गर्नेछौं।”
