जापानको एक अदालतले बिहिबार समलिङ्गी विवाहमा प्रतिबन्ध संवैधानिक भएको फ़ैसला गरेको छ ।
देश भरि दायर गरिएका पाँचवटा मुद्दाहरूमध्ये अन्तिममा फुकुओकाको जिल्ला अदालतले समलिङ्गी विवाहलाई मान्यता नदिने कानुनी प्रणाली “असंवैधानिक” भएको फैसला सुनाएको छ ।
फुकुओका जिल्ला अदालतले क्युसुमा छ जना वादीहरूले दायर गरेको मुद्दामा फैसला सुनाउदै समलिङ्गी जोडीहरूको लागि विवाह र पारिवारिक कानून पारित गर्न असफल भएकोले संविधानको धारा २४ को २ उल्लङ्घन गर्ने अवस्था सिर्जना भएको उल्लेख गरेको छ ।
फुकुओका अदालतको फ़ैसलाले वादीको क्षतिपूर्तिको अनुरोधलाई अस्वीकार गर्दै भनिएको छ-‘श्रीमतीको छनोट, सम्पत्तिको हक, उत्तराधिकार, बसोबास छनोट, सम्बन्धविच्छेद र विवाह र परिवारसँग सम्बन्धित अन्य विषयमा व्यक्तिगत मर्यादा र लिङ्गको अनिवार्य समानताको दृष्टिकोणबाट कानुन बनाइनेछ । “
दुई जिल्ला अदालतले समलिङ्गी विवाहलाई असंवैधानिक भएको ठहर गरेको छ। अर्कोले कानुनको अभावले असंवैधानिक अवस्था भएको फैसला गरेको छ भने एक जिल्ला अदालतले हालका कानुन संवैधानिक भएको बताएको छ । पाँचवटै जिल्ला अदालतले वादीको क्षतिपूर्तिको दाबी खारेज गरेको छ ।
फुकुओका मुद्दाका वादीहरूले समलिङ्गी विवाहलाई मान्यता नदिने सिविल कानून र परिवार दर्ता कानूनले विवाहको स्वतन्त्रता र कानून अन्तर्गत समानताको संवैधानिक ग्यारेन्टीहरू उल्लङ्घन गरेको तर्क गरे।
उनीहरूले विवेकाधिकारबाट विचलित समलिङ्गी विवाहलाई वैधानिकता दिनको लागि कानून पारित गर्न केन्द्र सरकारको असफलताको पनि तर्क गरेका छन। सरकारले विपरित लिङ्गी विवाहलाई संविधानले मात्र मान्यता दिएको तर्क गरेको छ ।
