मध्य जापानको माउन्ट फुजी नजिकै रहेको सुसोनो सहरको नर्सरी स्कुलमा शिक्षकको रूपमा काम गर्ने तीन जना महिलालाई आफ्नो हेरचाहमा रहेका बालबालिकालाई बारम्बार दुर्व्यवहार गरेको आरोपमा आइतबार पक्राउ गरिएको छ।
उनीहरू जुन महिनादेखि अगस्टसम्ममा बालबालिकालाई अनुहारमा हिर्काउने खुट्टामा झुण्ड्याएर टाउकोमा हिर्काउने घटनामा संलग्न रहेर बाल दुर्व्यवहार गरेको खुलासा भएपछि प्रहरीले पूर्व शिक्षकहरू ३० वर्षीय साची मिउरा, ३८ वर्षीया काओरी कोमात्सु र ३९ वर्षीय री हातोरीलाई पक्राउ गरिएको हो। उनीहरूलाई जुन महिनामा तीन बालबालिकाविरुद्ध कारबाही गरेको आरोपमा पक्राउ गरिएको थियो।
सुसोनो सिटीको इजाजतपत्र प्राप्त नर्सरी स्कूल “साकुरा नर्सरी स्कूल” मा यस वर्षको जुनदेखि अगस्टसम्म दुव्र्यवहार भइरहेको खुलासा भएको थियो र प्रहरीले नर्सरी शिक्षकको रूपमा काम गर्ने साची मिउरा र कोमात्सुलाई शंका गरेको थियो। काओरी (३८) र ३९ वर्षीया री हातोरीलाई कुटपिट गरेको आशंकामा यस अघिपनि पक्राउ गरिएको थियो ।
मिउराले जुन १ मा एक बालिकालाई अनुहारमा धकेलेको आशंका गरिएको छ भने हात्तोरीले जुन १० मा एक बालकलाई टाउकोमा प्रहार गरेको आरोप छ। कोमात्सुले जुन २७ मा एक बालकलाई खुट्टा उल्टाएर समातेको आशंका गरिएको छ।
हालै मात्र सो नर्सरी स्कूल छाडेका र बेरोजगार भएका ती तीन जनाले जबरजस्ती रूपमा बालबालिकाको प्यान्ट निकाल्ने र धम्कीपूर्ण तरिकामा हान्नेलगायत दुर्व्यवहार गरेको स्वीकार गरेपनि उनीहरूले बच्चाहरूलाई अनुशासन दिन खोजिएको जिकिर गरेको अनुसन्धानमा संलग्न शिजुओका शहरको प्रहरीले जनाएको छ ।
साकुरा होइकुएन विद्यालयमा १ वर्षका बालबालिकाको हेरचाहमा कार्यरत कक्षाका इन्चार्जसहित ६ जना शिक्षक रहेका थिए । नर्सरीमा दुव्र्यवहार निरन्तर भएको आशंकामा प्रहरीले बरामद कागजातहरूको विश्लेषण गरिरहेको बताएको छ ।विद्यालयले प्रमाण नष्ट गर्ने डरले प्रहरीले विद्यालयलाई सुश्म निगरानीमा राखेको जनाएको छ ।
विद्यालयका प्रधानाध्यापक तोशिहिको साकुराईले आफ्ना कर्मचारीलाई दुर्व्यवहारको बारेमा अरूलाई नभन्न कागजमा हस्ताक्षरसहितको सपथ गराएको आरोप समेत रहेको छ।
सुसोनो शहरका मेयर हारुकाजे मुराताले आइतवार साकुराई विरुद्ध संदिग्धहरूलाई न्याय पाउन मद्दत गरेको आरोपमा सोमबार आपराधिक उजुरी दर्ता गर्ने बताएका छन्।
सहर र प्रिफेक्चरल सरकारहरूले शनिबार विद्यालयको विशेष लेखा परीक्षण गर्न सुरु गरेका छन । साकुराईलाई सोधपुछ गरी तीन शिक्षकको कामको अभिलेख पेश गर्न भनिएको अधिकारीहरूले बताए ।
नगरले मध्य अगस्तमा प्रतिवेदन प्राप्त गरेपछि यो दुर्व्यवहारको खुलासा भएको थियो ।सकुराईले यसको अनुसन्धानका लागि साकुराईसँग भेट गरेको थियो तर तीन महिनाभन्दा बढी समयसम्म यो मुद्दा गोप्य राखेको थियो ।
