सयौंले जापानी नागरिकहरुले आगामी मंगलबार हुने पूर्व प्रधानमन्त्री आबेको राजकीय अन्त्येष्टि रद्द नाराबाजी सहित प्रदर्शन

-


     जनहित न्युज    
     असाेज ८ गते २०७९


पूर्व जापानी प्रधानमन्त्री सिन्जो आबेको राजकीय अन्त्येष्टिको मिति नजिकिदै गर्दा टोकियोको एउटा पार्कमा शुक्रबार सयौं प्रदर्शनकारीले नाराबाजी र ब्यानर फहराउँदै रद्द गर्न माग गरेका छन्।

“आबेको नीतिहरूले युद्धलाई समर्थन गर्यो,” प्रदर्शनकारी मायुमी इशिदाले भने, आबेले लगातार रक्षा खर्च बढाउन खोजेका थिए। विरोधमा अरूहरू जस्तै इशिदाले भने आबेको विचारले दोस्रो विश्वयुद्ध अघिको जापानको सैन्यवादको दिनहरूमा एक कदम फिर्ता हुने डर छ।

जापानको सबैभन्दा लामो समयसम्म सेवा गर्ने नेता आबेले युद्धको इतिहासको संशोधनवादी दृष्टिकोण राखी बलियो सेनाको समर्थन लिने विचारधारा राख्ने गरेको आरोप र आलोचकहरूले राखदै निरंकुश दृष्टिकोण र क्रोनिज्मको कारणले गर्दा युद्धपछिको अवधिमा सबैभन्दा विभाजित नेताको रूपमा रहेको बुझाई राख्ने गरेका छन । आबे जसको जुलाईमा हत्या गरिएको थियो ।
युनिफिकेशन चर्चसँग राजनीतिज्ञहरूको घनिष्ठ सम्बन्धका कारण राज्यको अन्त्येष्टिको विरोध पनि बढेको छ। आबेको हत्यामा संदिग्ध व्यक्तिलाई श्रेय दिएका सामाजिक सञ्जाल पोष्टहरूले उसले आफ्नो जीवन बर्बाद गर्नको लागि चर्चलाई दोष लगाएको देखाइएका छन । प्रहरीका अनुसार संदिग्ध व्यक्तिले आबेलाई लक्षित गरिनुको कारण उनले चर्चलाई प्रश्रय दिएको बुझाई छ ।

आगामी मङ्गलबार हुने उनको राजकीय अन्त्येष्टिको सरकारी योजनाले जापानमा झण्डै पूरै युद्धपछिको अवधिसम्म शासन गरेको सत्तारुढ लिबरल डेमोक्र्याटिक पार्टीको जनविरोधलाई बलियो बनाएको छ। राज्यको अन्त्येष्टिको विरोध गर्दै देशव्यापी विरोध प्रदर्शन र जुलुसहरू भइरहेका छन्, सयौं मानिसहरू त्यस विरोधप्रति आकर्षित भएका छन्। यस हप्ताको सुरुमा अन्त्येष्टिको पूर्णत विरोध गर्दै प्रधानमन्त्री निवासमा आगाडि एक व्यक्तिले आत्मदाहको समेत गरेका प्रयास गरेका थिए ।

योशिको कामाता जो एक सुविधा स्टोरमा पार्ट-टाइम कामदारको रूपमा कार्यरत छन उनले राज्यद्वारा आयोजित अन्त्येष्टि रोक्न सकिँदैन भनेर स्वीकार गरे । तर उनले आबे कहिल्यै हरेक मानिसहरूको भावना अनुरूप कार्य गर्न सकेनन भन्ने सन्देशलाई घर घरसम्म लैजाने अवसर भएको बताउछन ।”हामी कहाँ उभिएको देखाउन चाहन्छौं,” उनले भनिन्, तानाशाहहरूलाई राज्यको अन्त्येष्टिमा आमन्त्रित गरिएको छ ।

जापानमा राजकीय अन्त्येष्टिहरू ऐतिहासिक रूपमा सम्राटका लागि आरक्षित गरिएको छ। आबेको लागि राख्ने निर्णय मन्त्रिपरिषद्ले गरेको थियो र संसदीय समितिबाट भने अनुमोदनमा गरिएको छैन थिएन। केही अधिवक्ताहरूको समूहहरूले यसको वैधतालाई चुनौती दिएका छन्।
अन्त्येष्टिको लागि आधिकारिक सार्वजनिक खर्च लगभग १.७ बिलियन येन ($ 12 मिलियन) लाग्ने बताईएको छ ।तर विज्ञहरूले सुरक्षा जस्ता लुकेका लागतहरू कुल खर्चमा थपिएको भनेर आलोचनात्मक टिप्पणी गरेका छन।
केही राजनीतिज्ञहरूले उनीहरूले अन्त्येष्टि छोड्ने घोषणा गरेका छन् । जसमा सांसद सेइचिरो मुराकामी एक पूर्व क्याबिनेट मन्त्री समेत रहेका छन ।

आबेको राज्यद्वारा गरिने राजकीय अन्त्येष्टिले बेलायतमा रानी एलिजाबेथ द्वितीयको भर्खरको राज्य अन्त्येष्टिसँग पर्याप्त तुलना गरेको छ।
स्नातक विद्यार्थी दाईकी किकुची, टोकियोको एक ब्रिटिश पबमा बियर चुस्दै रानीको अन्त्येष्टि हेर्दै भनिन- “म यो हेर्दै बेलायती संस्कृति महसुस गर्छु, र त्यहाँ एक शाही परिवार छ जसलाई मानिसहरूले माया गर्छन्,”

यो खबर पढेर तपाईलाई कस्तो महसुस भयो ?