नेपाल कम्युनिष्ट पार्टी (माओवादी केन्द्र)का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ ले आफ्नो शक्ति सुदृढ गरेर नै प्रतिक्रियावादीहरुलाई परास्त गर्न सकिने बताएका छन।
नेपाल कम्युनिष्ट पार्टीका संस्थापक नरबहादुर कर्माचार्यको ८ औं स्मृति दिवसका अवसरमा पार्टी केन्द्रीय कार्यालय, पेरिसडाँडा, कोटेश्वरमा आयोजित स्मृति दिवस कार्यक्रमलाई सम्बोधन गर्दै यस्तो बताउका हुन ।
उनले भने, ‘पार्टीलाई बलियो बनाउन तर्फ लाग्नु पर्छ । पार्टीलाई फेरि एकचोटी जनता तिर फर्काउने, आफ्नो संगठनलाई सदृढ गर्ने हिजोका गल्ती कमजोरीको पश्चाताप गर्दै फेरि जनता र राष्ट्रको पक्षमा समर्पित गर्ने आवश्यकता छ । यो सजिलो छैन तर असम्भव पनि छैन ।’
प्रचण्डले आफूहरु नै जनयुद्ध सञ्चालन गरेर शान्ति प्रक्रिया हुँदै गणतन्त्रसम्म ल्याईपुर्याउने भन्दै आफूभित्रको धुलो मैलो सफा गरी अगाडि बढे गन्तव्यमा पुग्न सकिने बताए ।
प्रचण्डले राजनीतिक पहलकदमी आएको बताऊदै अब आफ्नो शक्ति सुदृढ गरेर मात्रै आन्दोलन विरोधीतत्वहरुलाई सदाको लागि परास्त गर्न सकिने बताउनुभयो । उहाँले भन्नुभयो, ‘अहिले पनि त्यो तत्व पुरै परास्त भयो भने ।’
प्रचण्डले सरकार गठनभन्दा अगाडि नै गठबन्धनलाई टुटाउन निकै धेरै कोशिस भएको उल्लेख गर्दै केही नपत्याउँदो गरी ढलेको बताए ।
