पश्चिमी जापानको ओसाका प्रिफेक्चरका एक ८७ वर्षीय नाकाजिमाले आफू लामो समयदेखि बसेको सहरलाई २९ किलोग्राम सुन दान गरेका छन् ।
गत महिना उनले शहरलाई आफ्नो सम्पत्ति दान दिए र पैसा एम्बुलेन्स किन्न र स्थानीय पर्यटन प्रवर्द्धन गर्न प्रयोग गर्न आग्रह गरेका थिए । उनले सहरलाई दिएको २९ किलो सुन र एक किलो प्लेटिनमको मूल्य करिब २० लाख डलर बराबरको रहेको जापानी सञ्चारमाध्यमले जनाएका छन ।
नाकाशिमा नात्सुओले सन् १९६० को मध्यमा मिनो शहरमा बीफ रेस्टुरेन्ट खोले र ५० वर्षभन्दा बढी समयसम्म चलाएका उनी अहिले रिटायर्ड भइसकेका छन् ।नाकाजिमाले भने, “म मिनोह सहरमा ५० वर्षभन्दा बढी समयदेखि जम्मा गरेको पैसा फिर्ता गर्न चाहन्छु, र नागरिकहरूको जीवन रक्षा गर्न एम्बुलेन्स र अन्य सवारी साधनहरूका लागि प्रयोग गरिने आशा गर्दछु।”
नाकाशिमालाई शहरको कार्यालयमा आमन्त्रित गरेर मेयर उशिमा काजुहिकोले प्रशंसासहितको प्रमाणपत्र प्रदान गरेका छन । मेयर उशिमाले कृतज्ञता व्यक्त गर्दै भने, “म नाकाजिमाको पसिना र यस्तो दानप्रति हार्दिक आभार व्यक्त गर्न चाहन्छु। नाकाशिमाले आधा शताब्दीमा आफूले त्यहाँ सुरक्षित गरेको सहर फर्कन चाहेको बताएका छन ।
मेयरले नाकाशिमाको इच्छा अनुसार पैसा प्रयोग गर्ने प्रतिबद्धता व्यक्त गरेका छन ।भविष्यमा मिनोह सिटीले सुन र प्लेटिनम बारहरू नगदको लागि साट्ने र तिनीहरूलाई वित्तीय स्रोतको रूपमा प्रयोग गर्ने योजना बनाएको छ।
