जापानमा अहिले १८ लाख विदेशी कामदार रहेका छन् जुन १० वर्षअघिको भन्दा दोब्बर हो ।सन् २०२२ मा जापानमा रहेका श्रमिकहरू मध्य चीनलाई उछिन्दै भियतनाम विदेशी श्रमको सबैभन्दा ठूलो स्रोत बनेको छ भने नेपाल, इन्डोनेसिया, म्यानमारबाट आउने कामदारको संख्यामा तीव्र वृद्धि भएको छ।
स्वास्थ्य, श्रम तथा कल्याण मन्त्रालयले प्रकाशित गरेको प्रतिवेदनका अनुसार सन् २०२२ को अक्टोबर ३१ सम्ममा जापानमा विदेशी कामदारको संख्या १८ लाख २२ हजार ७२५ पुगेको छ। यो संख्या अघिल्लो वर्षको तुलनामा ९५ हजारले अर्थात् ५.५ प्रतिशले बढी हो ।
यहाँ रहेका कामदार/ श्रमिकहरूको समग्र संख्याको ६० प्रतिशत अर्थात् १० लाखभन्दा बढी भियतनाम, चीन (हङकङ र मकाउ सहित), र फिलिपिन्सका रहेको प्रतिवेदनमा उल्लेख रहेको छ ।
संख्याका आधारमा हेर्दा भियतनामका ४ लाख ६२ हजार ३८४ (कुलको २५.४ प्रतिशत), चीनका ३ लाख ८५ हजार ८४८ (२१.२ प्रतिशत) र फिलिपिन्स २ लाख ६ हजार ५० (११.३ प्रतिशत ) कामदार रहेका छन । त्यसैगरि ब्राजिल (जसमा जापानी वंशका धेरै नागरिक छन्) १ लाख ३५ हजार १६७ (७.४ प्रतिशत) कामदारहरू रहेका छन भने तीन देशहरू इन्डोनेसियाका ७७ हजार ८८९ हुँदा ४७.५ प्रतिशत, म्यानमारका ४७ हजार ४९८ हुँदा माथि ३७.७ प्रतिशत, र नेपालका १ लाख १८ हजार १९६ हुँदा २०.३ प्रतिशतले कामदारहरूको सख्यामा वृद्धि भएको प्रतिवेदनले देखाएको छ । विदेशी कामदार मध्यमा नेपाली कामदारहरूको प्रतिशत ६.४८ रहेको छ ।
एक दशक पहिले २०१२ मा विदेशी कामदारहरूको संख्या ६ लाख ८० हजार रहेकोमा चिनियाँहरू ४० प्रतिशत थिए। त्यस समयदेखि यता भियतनामी कामदारहरूको संख्या १७ गुणा बढेको छ।
निवासको स्थिति अनुसार स्थायी बासिन्दा वा जापानी नागरिकहरूको पति/पत्नी जस्ता तिनीहरूको हैसियत वा स्थितिमा आधारित भिसा भएकाहरू मध्य सबै विदेशी कामदारहरूको ३२.७ प्रतिशत रहेको छ । तिनीहरूले पेशा वा प्राविधिक क्षेत्रमा आधारित भिसा भएकाहरू कलासँग सम्बन्धित कामहरूमा अलि बढि कार्यरत रहेका छन । धर्म, मिडिया, अनुसन्धान, वा उच्च विशिष्ट पेशाहरूमा कार्यरत कुल विदेशी कामदारहरू २६.३ प्रतिशत रहेको छ । प्राविधिक इन्टर्नशिप प्रशिक्षार्थीहरू १८.८ प्रतिशत कार्यरत रहेका छन । विद्यार्थीहरू र उनीहरूको निवास स्थितिमा अनुमति दिइएको अपवाद रहेर कार्यरतसहित अन्य, १८.२ प्रतिशत थिए । “निर्धारित गतिविधिहरू” जस्तै काम गर्ने व्यक्तिहरू वा आर्थिक साझेदारी सम्झौताहरूमा आधारित नर्सहरू वा हेरचाह गर्ने कामदारहरूको संख्या ४ प्रतिशत रहेको छ । कोभिड-१९ महामारीका कारण २०२१ र २०२२ मा लगातार दुई वर्षसम्म प्राविधिक इन्टर्नशिप प्रशिक्षार्थीहरूको संख्या भने घटेको छ।
उद्योगको हिसाबले उत्पादन उद्योगले सबैभन्दा बढी विदेशी कामदारहरूको खपत गरेको छ । ४ लाख ८५ हजार १२८ अर्थात् २६.६ प्रतिशत उत्पादन उद्योगमा विदेशी कामदार कार्यरत रहदा १३.१ प्रतिशत थोक र खुद्रा काममा र ११.५ प्रतिशतमा आवास र खाद्य सेवाहरू छन्।
२०१२ को तुलनामा निर्माण र चिकित्सा/कल्याणकारी दुवै क्षेत्रमा विदेशी कामदारहरूको संख्यामा उल्लेखनीय वृद्धि भएको छ । सन् २०२२ को अक्टोबर ३१ सम्ममा यो संख्या ७५ हजार ३३९ रहेको छ ।
विदेशी नागरिकहरूलाई रोजगारी दिने व्यवसायहरूको संख्या २०२२ मा २ लाख ९८ हजार ७९० पुगेको छ, जुन अघिल्लो वर्षको तुलनामा ४.८ प्रतिशतले बढेको छ।
