दीपकबहादुर गोदार पोखरा महानगरपालिका खेलकुद विकास समिति अध्यक्ष बनेका छन् ।
साढे २ दशकदेखि खेलकुद क्षेत्रमा क्रियाशील गोदारलाई बुधबार अध्यक्षमा मनोनयन गरिएको हो । उनको कार्यकाल तीन वर्षको हुनेछ ।
क्योकुशिन कराँतेबाट खेलकुद करियर शुरु गरेको गोदार अहिले मुआथाई किक बक्सिङका नेपालका प्रमुख प्रशिक्षक हुन् ।
उनकै प्रशिक्षकत्वमा नेपाली खेलाडीले मकाउ, थाईल्याण्ड, कोरिया,टर्की लगायतका देशमा अन्तराष्ट्रिय प्रतिस्पर्धाको एरिनामा उत्रिसकेका छन् । उनले आफैंले पोखरा रंगशालाभित्र कराँते तथा मुआथाईको प्रशिक्षक गराउँदै आएका छन् ।
गोदार राष्ट्रिय तथा अन्तराष्ट्रिय खेलाडी संघ कास्कीका अध्यक्षसमेत हुन् ।
आठौं राष्ट्रिय खेलकुद प्रतियोगितामा उनकैको प्रशिक्षकत्वमा गण्डकी प्रदेशले कराँते तर्फ च्याम्पियन बनेको थियो । उनी आफैं पनि कराँतेका अन्तराष्ट्रिय पदक विजेता खेलाडी हुन् ।
खुला तौल समूहमा उनको नाम एकछत्र नै थियो कुनै समय । कराँतेसँगै थाईल्याण्डबाट मुआथाईको प्रशिक्षण गरेर फर्किएपछि गोदारले मुआथाईलाई व्यवासायिक प्रशिक्षण गराउँदै आएका छन् ।
जिल्ला खेलकुद विकास समिति कास्कीका पूूर्व कोषाध्यक्ष समेत हुन् । गोदर नेपाल खेलकुद पत्रकार मञ्च गण्डकीले प्रदान गर्ने उत्कृष्ट वर्ष प्रशिक्षकबाट समेत सम्मानित भईसकेका छन् ।
