गलकोट नगर खेलकुद विकास समितिको आयोजनामा संचालित तेस्रो मेयर कप खुल्ला अन्तर पालिका स्तरिय पुरुष भलिवल प्रतियोगिता २०८० को उपाधी बौदीकाली गाउँपालिकाले उचाल्न सफल भएको छ ।
आज भएको फाईनल खेलमा बौदीकाली गाउँपालिकाले गलकोट नगरपालिकालाई ३–२ को सेटमा पराजित गर्दै उपाधी उचाल्न सफल भएको हो ।
निकै प्रतिष्पर्धात्मक रुपमा सम्पन्न भएको खेलमा गलकोट नगरपालिकालाई बौदीकाली गाउँपालिकाले पहिलो, चौंथो र पाँचौँ सेटमा क्रमशः २५–१७, २५–२२ र १८–१६ ले पराजित गर्दै उपाधी जितेको हो ।
गलकोट नगरपालिकाले दास्रो र तेस्रो सेटमा २५–१७ र २५-२२ को सेटमा जित निकाले पनि अन्तिमसेटमा जित निकाल्न नसक्दा उपाधी बिजेता बन्न सकेन् ।
प्रतियोगितामा बिजेता बनेको नवलपरासिको बौदीकाली गाउँपालिकाले नगद १ लाख ३५ हजार, कप, मेडल र प्रमाणपत्र प्राप्त गर्न सफल भएको छ ।
प्रतियोगितामा उपबिजेता बनेको गलकोट नगरपालिकाले १ लाख, मेडल र प्रमाणपत्र तथा सान्त्वना हुन सफल निसिखोला गाँउपालिका र तमानखोला गाँउपालिकाले समान २०/२० हजार र प्रमाणपत्र प्राप्त गरेका छन् ।
गलकोटको हटियामा संचालित मेयरकप भलिबल प्रतियोगितामा ९ वटा पालिकाले सहभागिता जनाएको गलकोट नगर खेलकुद बिकास समितिका अध्यक्ष योगेश भण्डारीले जानकारी दिनुभयो ।
