जापानको ओसाकाको इकेदा सुमियोशीमा एक नेपाली मृत अवस्थामा फेला परेका छन भने भने अर्की एक महिला अचेत अवस्थामा फेला परेकी छन।
नेपालको बागलुङ जिल्लाको काठेखोला गाउपालिका वार्ड नम्बर ५ राइतेपोखरीका ४७ वर्षीय पुरन क्षेत्रीको उनी आँफैले संचालन गरेको रेष्टुरेण्टभित्र बुधवार बिहान मृत अवस्थामा फेला पारिएको र अर्की अन्दाजी ४० वर्षीय महिला अचेत अवस्थामा ढलिरहेको फेला पारेको जापान प्रहरी जनाएको छ ।
“मंगलबार नियमित जस्तै राती १२ बजेसम्मपनि रेष्टुरेण्टबाट घर नफर्किएपछि मृतकका छोराले पटक पटक फ़ोन सम्पर्क गर्दापनि उनको फ़ोन उठेको थिएन । “ स्रोतले भन्यो- मृतकका छोरा बिहान रेष्टुरेण्टमा आई हेर्दा सुतेको जस्तो देखिएको र ढोका खोल्ने प्रयास गर्दा नखुलेपछि प्रहरीलाई खबर गरिएको थियो। प्रहरीको सहयोगमा ढोका खोलेर हेर्दा खत्री मृत अवस्थामा र महिला अचेत अवस्थामा फेला परेका थिए ।
अचेत अवस्थामा फेला परेकी महिलालाई प्रहरीले तत्काल उद्धार गरि अस्पताल लागिएको र मृतक खत्रीको शवलाई प्रहरीले आवश्यक अनुसन्धानका लागि नियन्त्रणमा लिएको बताइएको छ । शवको पोष्टमार्टमका लगिएको र मृत्यु के कारणले भएको हो आवश्यक अनुसन्धान भैरहेको प्रहरीले जनाएको छ । अचेत महिलाको बारेमा केहि खुलाईएको छैन ।
मृतकका श्रीमति २ छोरा रहेका छन । लामों समयदेखि जापानमा कार्यरत मृतक खत्रीको श्रीमति मंगलबार मात्र नेपाल गएको पारिवारिक स्रोतले जनाएको छ ।
मृतक खत्रीसँगै काम गर्ने कामदार मंगलबार बेलुका ६ बजेतिर नै कामबाट घर गएको उनका छोरालाई टेलिफ़ोनमा जानकारी गराएका थिए ।मृतक खत्रीको छोराले अन्तिम पटक बेलुका ८ बजेतिर कुराकानी भएको बताइएको छ ।
घटनास्थलको टेबुलमा खानेकुरा रहेको, मृतक र अचेत महिलाको कतै चोटपटक नदेखिएको पसलमा पनि तोड़फोड़ केहि नभएको देखिएको छ ।
