कोभिड-१९ को खोपले पहिलो पटक नोभेम्बर २०२२ मा ४२ वर्षीया महिलाको मृत्युमा योगदान गरेको हुनसक्ने सम्भावनालाई जापानमा स्वास्थ्य मन्त्रालयलाई सल्लाह दिने विज्ञहरूको प्यानलले बताएको छ ।
प्यानलले खोप प्रणाली अन्तर्गत जाबबाट सम्भावित साइड इफेक्टहरू बारे रिपोर्टहरू प्राप्त गरि कोभिड-१९ खोप र मृत्युबीच कारण र सम्बन्धका बारेमा मूल्याङ्कन गरिरहेको बताएको छ ।
विगतमा प्यानलले मृत्युको कारण र खोपको सम्बन्धका बारेमा तथ्य फेला नपारेको वा निर्धारण गर्न नसकेको बताइएको छ ।
तर २०२३ मार्च १० को बैठकमा प्यानलले महिलाको मृत्युमा कोभिड-१९ विरुद्धको खोपको कारण आर सम्बन्धलाई इन्कार गर्न नसकिने बताइको छ ।
स्रोतहरूका अनुसार यो मुद्दामा नोभेम्बर २०२२ मा आइची प्रिफेक्चरको आइसाइको एक केन्द्रमा ओमिक्रोन भेरियन्टलाई लक्षित गरी अयानो इयोकाले फाइजरको खोप लगाइएकी थिइन । खोप लागेपछि उनी गम्भीर बिरामी भइन् र केही समयपछि उनको मृत्यु भएको थियो। इयोकामा धेरै पहिलेदेखि उच्च रक्तचाप र मधुमेह सहित स्वास्थ्यमा समस्या रहेको बताइएको छ।
प्यानलले उनको मृत्युको कारण पल्मोनरी थ्रोम्बोइम्बोलिज्म हो भनेर निर्धारण गर्न स्क्यान परीक्षण रेकर्डको मूल्यांकन गरेपनि तर कुनै पुष्टि हुन सकेको थिएन । यसले प्यानललाई उनीहरूले खोप बाहेक उनको मृत्युको कारण अन्य रोगपनि हुन सक्ने विशेष असामान्य खोज पहिचान गर्न नसकेको निष्कर्षमा पुर्याएको छ । तर प्यानलले यो पनि निष्कर्ष निकाल्न सकेन कि एनाफिलेक्सिस भनिने गम्भीर एलर्जी प्रतिक्रिया खोपको कारण भएको थियो।
भ्याक्सिन साइड इफेक्ट रिपोर्टिङ प्रणाली अन्तर्गत शंकास्पद केसहरूको बारेमा डाक्टर र औषधि कम्पनीहरूबाट रिपोर्ट प्राप्त भएपछि चिकित्सा र औषधि दृष्टिकोणबाट व्यापक मूल्याङ्कन गरिने बताइएको छ।
भ्याक्सिनका कारण स्वास्थ्यमा क्षति पुगेका बिरामी वा शोकसन्तप्त परिवारका सदस्यहरूले बिरामीको मृत्युमा चिकित्सा खर्च वा एक पटकको भुक्तानीको लागि आवेदन दिन सक्ने छुट्टै प्रणाली रहेको छ ।
यहाँ यस प्रकारका ३० वटा घटनाहरू भएका थिए । जसमा एक पटक भुक्तानी गरिएको छ किनभने खोप र मृत्यु बीचको कारण सम्बन्धलाई इन्कार समेत गरिएको छैन।
स्वास्थ्य मन्त्रालयका अधिकारीहरूका अनुसार स्वास्थ्य क्षति समर्थन प्रणालीलाई साइड इफेक्ट रिपोर्टिङ प्रणाली अन्तर्गत आवश्यक पर्ने कडा कारण सम्बन्ध आवश्यक छैन।
नतिजाको रूपमा साइड इफेक्ट रिपोर्टिङ प्रणाली अन्तर्गत कारण सम्बन्धको मूल्याङ्कन गर्न नसकिने केही अवस्थामा पनि एक पटक भुक्तानी गरिएको छ।
