नाबालिग बलात्कार आरोप लागेपछि निलम्बनमा परेका राष्ट्रिय क्रिकेट टिमका कप्तान सन्दीप लामिछाने आज नेपाल फर्कंदै छन् ।
गत साता सन्दीपमाथि १७ वर्षीय किशोरीले बलात्कार आरोप लगाउँदै प्रहरीमा किटानी जाहेरी दिएपछि सन्दीप क्यारेबियन प्रियिमर लिग बीचमै छाडेर नेपाल फर्कन लागेका हुन् ।
सन्दीप फर्किएलगत्तै उनलाई प्रहरीले विमानस्थलबाटै पक्राउ गर्ने तयारी गरेको छ । पक्राउ पूर्जी जारी भइसकेकाले जहाँ भेट्यो त्यहींबाट पक्राउ गर्ने प्रहरीले जनाएको छ ।
सन्दीपविरुद्ध गत भदौ २१ गते एक नाबालिग किशोरीले एक होटलमा लगेर आफूमाथि पटक–पटक जबर्जस्ती करणी आरोप लगाउँदै गौशाला प्रहरी वृत्तमा उजुरी दिएकी थिइन् ।
प्रारम्भिक अनुन्धानपछि प्रहरीले गत बिहीबार सन्दीपमाथि पक्राउ पुर्जी जारी गरेको थियो । लगत्तै सन्दीपलाई नेपाल क्रिकेट संघ ९क्यान०ले पनि राष्ट्रिय टिमबाट निलम्बन गरेको थियो ।
क्यानले निलम्बन गरेलगत्तै सन्दीपले सामाजिक सञ्जालमार्फत आफू निर्देष भएको भन्दै नेपालको कानुन मान्ने र सबै कुराको सामना गर्ने बताएका थिए ।
सन्दीपले निष्पक्ष छानबिन हुने विश्वास पनि व्यक्त गरेका थिए । सन्दीपले क्यानसँग कानुनी सहायताका लागि आग्रह गरेका थिए ।
