जापानमा मदिरा सेवन गरी सवारी चलाउनेहरूको संख्या बढ्यो, ८९६ जनाको ड्राइभर लाइसेन्स निलम्बन

जापानभरि यो वर्ष जनवरीदेखि सेप्टेम्बरसम्म मदिरा सेवन गरेर सवारी चलाएको आरोपमा ८९६ जनाको ड्राइभर लाइसेन्स निलम्बन गरिएको छ।गत वर्ष यही अवधिमा यो संख्या मात्र २ रहेको थियो।

जापान राष्ट्रिय प्रहरी एजेन्सी (NPA) का अनुसार यो आकडा नयाँ कानुनी प्रावधानले मदिरा सेवन गरी सवारी चलाउनेहरूलाई कडाइका साथ कारबाही गर्न थालेपछि एकदमै बढेको हो।

संशोधित ट्राफिक ऐनपछि कारबाही तीव्र

गत वर्ष नोभेम्बरमा संशोधित सडक यातायात ऐन लागू भएदेखि स्वासप्रस्वासमा 0.15 mg/l वा सोभन्दा बढी मदिरा फेला परे सवारी चलाउनु दण्डनीय बनाइएको छ।

प्रहरीहरूले मदिरा सेवन गरेर सवारी चलाउनेहरूलाई “गाडी चलाउँदा पनि ठूलो खतरा हुनसक्ने व्यक्ति” को रूपमा हेर्न थालेका छन्।

लाइसेन्स निलम्बन कसरी हुन्छ?

सामान्यतया ड्राइभर लाइसेन्स स्थानिय सुरक्षा समितिले चालकको ट्राफिक उल्लङ्घन बिन्दु (पेनाल्टी प्वाइन्ट) अनुसार निलम्बन गर्छ।

यदि कुनै व्यक्ति गाडी चलाउँदा गम्भीर जोखिम उत्पन्न गर्नसक्ने मानियो भने अधिकतम ६ महिनासम्म लाइसेन्स निलम्बन गर्न सकिन्थ्यो।यो प्रायः ड्रग प्रयोगकर्ताहरू मा लागू हुन्थ्यो।

कुन प्रिफेक्चरमा कति कारबाही?

नयाँ कानुनपछि प्रिफेक्चर अनुसार कडा कारबाही यस्तो देखिएको छ:

• ओसाका: ३४० जना (सबैभन्दा धेरै)
• टोकियो: १२४ जना
• वाकायामा: ७३ जना
• नारा: ६६ जना
• आइची: ४ जना
• फुकुओका: १७ जना

जसैगरी २२ प्रिफेक्चरमा एकजनासमेत लाइसेन्स निलम्बन गरिएको छैन, जसले स्थानीय प्रहरीको कडाइ फरक–फरक भएको देखाउँछ।

कडा कारबाही अपनाउने स्थानीय सरकारले पनि तत्पर

चिबा प्रिफेक्चर सरकारले मदिरा सेवन गरी साइकल वा कार चलाएको प्रमाणित हुने कर्मचारीलाई प्रतिष्ठा गुमाई बर्खास्त (dismiss in disgrace) गर्ने निर्णय लिएको छ।

कानूनी सजाय के छ?

0.15 mg/l भन्दा बढी मदिरा सेवन गरी सवारी चलाएमा:

• ३ वर्षसम्म कैद, वा
• ५ लाख येनसम्म जरिवाना लगाइनेछ।

साथै, मदिरा सेवन गरेका व्यक्तिलाई सवारी चलाउन दिएको वा नशामा रहेको चालकको पछाडि बसेको व्यक्तिलाइ पनि कारबाही हुनसक्छ।

वर्ष अन्त्यका भोजसँगै निगरानी कडा

डिसेम्बरमा हुने वर्षअन्त्यका पार्टीहरूमा मदिरा सेवनको सम्भावना बढ्ने भएकाले प्रहरीहरूले सडकमा निगरानी कडा बनाइरहेका छन्।

NPA का एक अधिकारीले भने “मदिरा सेवन गरेर सवारी चलाउँदा गम्भीर दुर्घटना हुन सक्छ। ड्राइभर लाइसेन्स निलम्बन हुँदा जीवन र करियरमा ठूलो असर पर्न सक्छ। ‘नखाओ र नचलाऊ’ नियम सबैले पालन गर्नुपर्छ।”