शुक्रबार राती साइतामा प्रिफेक्चरको सायमा सहरमा ५० वर्ष उमेर समूहका एक व्यक्तिलाई हाते बन्दुक जस्तै देखिने हटियारले गोली प्रहार गरी गम्भीर घाइते बनाएको प्रहरीले जनाएको छ ।
एकै समूहका सदस्य बिचको द्वन्द्वले गोली प्रहार भएको हुन सक्ने भन्दै शंकास्पद व्यक्ति हातहतियार लिएर भागेको आशंकामा प्रहरीले नजिकका बासिन्दालाई सतर्क रहन आह्वान गरिरहेको छ ।
शुक्रबार साँझ ७ बजेतिर सायमा सहरको हिरोसेदाईबाट “मेरो श्रीमानलाई पेस्तोलले गोली हानेको” भन्ने घाइतेकी श्रीमतिले आपत् आपतकालिन सेवा दमकललाई खबर गरिएपछि प्रहरी र एम्बुलेन्स टोली घटनास्थलमा पुगेका थिए ।
उनीहरूले ५० वर्षका एकजना मानिसलाई अपार्टमेन्ट कम्प्लेक्सको मैदानमा सुतेको, शरीरको माथिल्लो आधा भागबाट रगत बगिरहेको भेट्टाएको र उनलाई अस्पताल लगिएको प्रहरीले जनाएको छ । फायर डिपार्टमेन्टका अनुसार घाइते होशमा थिए र बोल्न समेत सक्ने अवस्थमा रहेका थिए ।
प्रहरी अनुसन्धान श्रोतका अनुसार ती व्यक्ति एउटै समुहको सदस्य रहेको आशंकामा प्रहरीले समुह द्वन्द्वको आशंकामा अनुसन्धान गरिरहेको छ ।
संदिग्ध बन्दुक लिएर भागेको हुन सक्ने भन्दै प्रहरीले नजिकैका बासिन्दाहरूलाई ढोकामा ताल्चा लगाउन आह्वान गरिरहेको छ।
यो क्षेत्र सेइबु शिन्जुकु लाइनमा रहेको सायमाशी स्टेसनबाट करिब २ किलोमिटर उत्तरपश्चिममा घरहरू र व्यवसायहरूले घेरिएको क्षेत्र हो।छिमेकीहरू भन्छन्, “मैले बन्दुकको गोली जस्तै चारवटा सुक्खा आवाज सुनें।”
छिमेकमा बस्ने ५० वर्षका एक व्यक्तिले भने, ‘साँझ ७ः१५ बजेतिर म ट्राफिक बत्तीको प्रतीक्षामा कारमा बस्दा बन्दुकको गोली चलेको झन्डै चारवटा सुक्खा आवाज सुने, त्यसैले म तुरुन्तै घटनास्थलबाट बाहिरिएँ ।
करिब दुई घण्टा पछि त्यो व्यक्ति फेरि घटनास्थलमा रोकियो, त्यहाँ धेरै पुलिस अधिकारीहरू थिए, र उनले भने ‘यो भयानक वातावरण थियो।
