दुधराक्ष युवा क्लवद्वारा स्वर्गीय ढुण्डी थरुनीको स्मृतिमा रुपन्देहीमा आयोजित ढुण्डी थरुनी स्मृति कप अन्तर जिल्ला स्तरिय भलिबल प्रतियोगिताका उपाधीको जिल्ला भलिबल संघ नवलपुरले उचाल्न सफल भएको छ ।
आईतबार भएको फाईनलमा जिल्ला भलिबल संघ नवलपुरले जिल्ला भलिबल संघ बागलुङलाई रोमाञ्चक ३–१ को सेटमा पराजित गदैं उपाधी बिजेता बनेको हो ।
सैनामैना नगरपालिका, प्रदेश खेलकुद परिषद लुम्बिनी, रुपन्देही भलिबल संघ , सैनामैना नगर खेलकुद समितिको सहयोग सञ्चालित अन्तर जिल्ला स्तरिय पुरुष भलिबल प्रतियोगिताको फाईनलमा जिल्ला भलिबल संघ नवलपुरले जिल्ला भलिबल संघ बागलुङलाई पहिलो तेस्रो र चौथो सेटमा क्रमश २५–१९, २५–२३ र २५–१९ को सेटमा पराजित गदै उपाधी बिजेता बनेको हो ।
जिल्ला भलिबल संघ बागलुङले दोस्रो सेटमा २५–१७ को सहज जित निकालेपनि अन्य सेट आफ्नो पक्षमा पार्न नसक्दा उपाधी उचाल्नबाट बन्चित भयो । उपाधी बिजेता बनेको नवलपुरले ट्रफीसहित १ लाख ११ हजार १ सय ११ रुपैया प्राप्त गरेको छ भने उपाबिजेता जिल्ला भलिबल संघ बागलुङले ७७ हजार ७ सय ७७ रुपैया प्राप्त गरेको छ ।
त्यस्तै आईतबार नै सम्पन्न तेस्रो स्थानको लागि भएको प्रतिस्प्रर्धामा जिल्ला भलिबल संघ स्याङ्जाले जिल्ला भलिबल संघ गुल्मीलाई पराजित गरेको छ ।
स्याङ्जाले गुल्मीलाई ३–१ को सेटमा पराजित गदैं तेस्रो हुन सफल भएको हो । पहिलो सेट २६–२८ ले गुमाएको स्याङ्जाले त्यसपछिका सेटमा क्रमश २५–२०,२५–१२ र २५–२० को सेटमा जित निकालेको थियो । स्याङ्जाले तेस्रो बन्दै ४४ हजार ४ सय ४४ रुपैया प्राप्त गर्न सफल भयो । प्रतियोगितामाा चौथो स्थान हासिल गरेको जिल्ला भलिबल संघ गुल्मीले २२ हजार २ सय २२ रुपैयाँ प्राप्त गरेको छ ।
गत असोजमा पोखरामा सम्पन्न नदिपुर कप भलिबलमा बागलुङले नवलपुरलाई पराजित गदैं उपाधी बिजेता बनेको थियो । गण्डकी प्रदेशमा समाहित खेलाडिहरुको बर्चश्व रहेको नवलपुर, बागलुङ र स्याङ्जा बिच रोचक प्रतिस्प्रर्धा हुदै आएको छ ।
