आधा शताब्दीअघि शृंखलाबद्ध आतंकवादी हमला गर्ने जापानी रेड आर्मी समूहका संस्थापक फुसाको शिगेनोबु २० वर्षको सजाय काटेर शनिबार कारागारबाट रिहा भएकी छन।
रिहाई पछि बिहान ८ बजेतिर स्वतन्त्र भएर हिडेकी ७६ वर्षीया शिगेनोबुलाई उनका वकिल र समर्थकहरूद्वारा पश्चिमी टोकियोको अकिशिमामा रहेको पूर्वी जापान मेडिकल करेक्सन सेन्टर बाहिर भव्य स्वागत गरेका थिए ।
सन् १९७० को दशकमा अपहरण तथा अपहरणमा संलग्न अन्तर्राष्ट्रिय आतङ्ककारी समूहको नेतृत्व गरेको आरोपमा उनलाई पक्राउ गरि जेलमा राखिएको थियो।
रिहाईपछि शिगेनोबुले नजिकैको पार्कमा जम्मा भएका पत्रकारहरूसँग कुरा गर्दै जापानी रेड आर्मीले विगतमा संचालन गरेका कार्यका लागि माफी माग्दै भनिन् -‘५० वर्षअघिको हाम्रो लडाइबाट हामीले निर्दोष अपरिचितहरूलाई बन्धक बनाएर घाइते बनाएका थियौं त्यसप्रति दुःखी छु ।’
अबको आफ़नो तत्क़ालको लक्ष्य रोगको हेरचाह गर्नमा ध्यान केन्द्रित गर्ने रहेको बताइन्। शिगेनोबुलाई सेप्टेम्बर १९७४ मा भएको हमला र जापानी रेड आर्मीले नेदरल्यान्ड्सको हेगस्थित फ्रान्सेली दूतावासमा बन्धक बनाउने कार्यको मुख्य योजनाकारको लागि अन्तर्राष्ट्रिय मोस्ट वान्टेड सूचीमा राखेको थियो।
गोप्य रूपमा जापान फर्केपछि नोभेम्बर २००० मा ओसाका प्रिफेक्चरल पुलिसले उनलाई पक्राउ गरेको थियो।उनीलाई अपराधको लागि २० वर्षको जेल सजाय दिइएको थियो।
