यस सप्ताहन्त अर्थात आगामी शनिबार र आइतबार जेआर यामानोते लाइनका केही खण्डहरू निर्माणका कारण निलम्बित हुँदा नियमित रेल सेवा सञ्चालन नहुने भएको छ।
जेआर यामानोते लाइन अन्तर्गत शिबुया स्टेशनमा भइरहेको निर्माण कार्यका कारण नियमित रेल सेवा सञ्चालन नहुँदा लगभग ६ लाख ४० हजार मानिसहरूलाई असर गर्ने अपेक्षा गरिएको छ।
जेआर पूर्वी सेवाका अनुसार १८ तारिख अर्थात शनिबार ओसाकी स्टेशनदेखि इकेबुकुरो स्टेशनको लागि सिन्जुकु स्टेशनको बाहिरी भागमा मात्र यामानोते लाइनको सेवा सञ्चालन हुनेछ भने १९ तारिख अर्थात आइतबार विपरित दिशामा दक्षिणतर्फ जाने भित्री खण्ड पनि प्रत्येक ट्रेनको पहिलो ट्रेन देखि अन्तिम ट्रेन सम्म दिनभर सेवा सुचारु नहुने भएको छ।
JR East ले सबै टोकियो मेट्रो र Toei सबवे लाइनहरूमा रिडिरेक्ट यातायात लागू गर्नुका साथै यामानोते लाइनको समानान्तर चल्ने साइक्यो लाइनमा सेवाको आवृत्ति बढाउने जनाएको छ।
त्यस क्षेत्रमा रहेका केही विश्वविद्यालयहरूलका सोहि दिन प्रवेश परीक्षाहरू रहेकोले विद्यार्थीहरूलाई सावधान रहन र रेल सेवाको तालिका हेरेर वा वैकल्पिक सेवाको प्रयोग गरेर समय मिलाउन आग्रह गरिरहेका छन्।
सबवे वा साइक्यो लाइनबाट पहुँचयोग्य नभएको स्टेशनमा कसरी पुग्न सकिन्छ?
१८ तारिखका दिन ओसाकी स्टेसनबाट मेजिरो स्टेसनतर्फ जाँदै गरेको अवस्थालाई हेर्दा यामानोते लाइन बाहिरी लुपको रेल सेवा सञ्चालनमा नरहँदा ओसाकी स्टेसनबाट मेजिरो स्टेशनमा सिधै जान सकिने छैन।त्यसैले त्यहाँ पुग्नका लागि साइक्यो लाइन वा शोनान-शिन्जुकु लाइनमार्फत इकेबुकुरो स्टेशनमा पुग्नु पर्ने छ । त्यसपछि स्थानान्तरण गरेर मात्र यामानोते लाइन भित्री लूप र मेजिरो स्टेशन तर्फ जान सकिने छ।
सामान्य टिकट भाडा ओसाकी स्टेशनदेखि इकबुकुरो स्टेशन सम्म २१० येन र ईकेबुकुरो स्टेशन देखि मेजिरो स्टेशनसम्म १५० येन गरि कुल ३६० येन लाग्ने छ।
जेआर ईस्टका अनुसार निर्माणका कारण जान वैकल्पिक रेल सेवा प्रयोग गरे बापत लाग्ने १५० येन थप रकम टिकट काउन्टरमा सम्पर्क गरेमा नलाग्ने बताइएको छ।
JR East ले यस सप्ताहन्तमा दुई दिनमा लगभग ५९० ट्रेनहरूको सेवा सञ्चालनमा निलम्बन गर्ने जनाएको छ। यसबाट लगभग ६ लाख ४० हजार मानिसहरूलाई असर गर्नेछ । तर उनीहरूले यातायात पुन: निर्देशित गरेर वा अन्य मार्गहरूको आवृत्ति बढाएर आफ्नो गन्तव्यमा पुग्न अवरोध नहुने बताइएको छ।
विश्वविद्यालयहरूलाई सतर्क रहन जेआर इष्टको आग्रह
केही विश्वविद्यालयहरूले यो साताको अन्त्यमा प्रवेश परीक्षाको योजना रहेकोले त्यस्ता विश्वविद्यालयहरूलाई सतर्क रहन पनि जेआर इष्टले आग्रह गरेको छ।
इकेबुकुरो स्टेशन नजिकै रहेको रिक्क्यो विश्वविद्यालयमा विभागसँग सम्बन्धित ज्ञान भएका व्यक्तिहरूका लागि आगामी दुई दिनमा विशेष प्रवेश परीक्षा हुनेछ र देशभरबाट करिब ९०० जनाले परीक्षा दिने तय भएको छ।
धेरै परीक्षार्थीहरूले घटनास्थलमा पुग्न यामनोते लाइन प्रयोग गर्ने अपेक्षा गरिएको छ । विश्वविद्यालयले आफ्नो वेबसाइटमा निलम्बनको सूचना पोस्ट गरेको छ र विद्यार्थीहरूलाई पर्याप्त समय दिएर घटनास्थलमा पुग्न आग्रह गरेको छ।
त्यस्तै गोतान्डा स्टेशन र ओसाकी स्टेशन नजिकै रहेको रिसो विश्वविद्यालय र ताकादानोबाबा स्टेशन नजिकै रहेको टोकियो फुजी विश्वविद्यालयले निलम्बन अवधिमा प्रवेश परीक्षा सञ्चालन गर्ने योजना बनाएका छन् र उनीहरूको वेबसाइटहरूमा सावधानी अपनाउन आह्वान गरिरहेका छन्।
यामानोते लाइन सेवा निलम्बनको अधीनमा स्टेशनहरूबाट टाढा रहेका विश्वविद्यालयहरू स्थानान्तरणबाट प्रभावित हुन सक्छ त्यसैले हामी सम्भावित विद्यार्थीहरूलाई सावधान रहन आग्रह गर्दैछौं। सूचनामा भनिएको छ।
प्रवेश परीक्षाका अतिरिक्त टोकियोमा सप्ताहन्तमा धेरै कार्यक्रमहरू तय गरिएका छन् । त्यसैले कृपया यस सप्ताहन्तमा टोकियोको ट्राफिक अवस्थाबारे सचेत रहनुहोस्। जारी गरिएको सूचनामा उल्लेख रहेको छ।
