त्रिभुवन आर्मी क्लब बुकी कप २०८० भलिबल प्रतियोगिताको च्याम्पीयन बनेको छ ।
हिमालयन म्युजिकल ईभेन्ट म्यानेजमेन्ट प्रालि द्वारा बागलुङको गलकोटमा आयोजित बुकि कप २०८० को उपाधी त्रिभुवन आर्मी क्लवले हात पारेको हो ।
निकै प्रतिस्पर्धात्मक रुपमा सम्पन्न फाईनलमा बिभागिय टोली त्रिभुवन आर्मी क्लबले बिभागिय टोली नेपाल पुलिस क्लवलाई ३–२ को सेटमा पराजित गदैं उपाधी बिजेता बनेको हो ।
आर्मीले पुलिसलाई पहिलो, चौथो र पाँचौ सेटमा क्रमशः २७–२५, २७–२५ र १५–६ को अन्तरले पराजित गरेका थियो । बिभागिय क्लव नेपाल पुलिस क्लवले दोस्रो र तेस्रो सेटमा २५–२२, २५–२१ को को अन्तरले पराजित गरेपनि अन्य सेटमा जित निकाल्न नसक्दा उपविजेता बन्न पुगेको हो ।
प्रतियोगितामा च्याम्पीयन बन्दै आर्मीले नगद रु ५ लाख कप, मेडल र प्रमाणपत्र प्राप्त गर्न सफल भएको छ भने उपबिजेता बनेको नेपाल पुलिस क्लवले २ लाख ५० हजार कप मेडल र प्रमाणपत्र प्राप्त प्राप्त गरेको छ ।
प्रतियोगितामा तृतिय भएको सशस्त्र प्रहरी बलले नगद रु १ लाख २५ हजार, कप, मेडल र प्रमाणपत्र प्राप्त गरेको थियो ।
