टोकियोमा रहेको एक अनलाइन बैंक र एक वित्तीय प्रविधि फर्मले देशमा रहेका गैर-जापानी बासिन्दाहरूलाई उनीहरूको स्मार्टफोनमा सजिलैसँग बैंक खाता खोल्न अनुमति दिन नयाँ सेवा सुरु गर्ने भएको छ।
टोकियोको क्षेत्रीय बैंक किराबोशी बैंक र टोकियो कम्पनी जीआईजी-एले स्थापना गरेको अनलाइन बैंकले बुधबार यो सेवा सुरु गरेको हो ।
यो सेवा अङ्ग्रेजी र भियतनामी भाषामा उपलब्ध हुनेछ। यसले प्रयोगकर्ताहरूलाई स्मार्टफोनमा एप प्रयोग गरेर छिटो बैंक खाता खोल्न अनुमति दिनेछ। प्रयोगकर्ताहरूले आफ्नो मोबाइल फोनमा एपमार्फत पैसा ट्रान्सफर गर्न र अन्य सेवाहरू प्रयोग गर्न सक्नेछन्।
यस सेवालाई आफ्ना प्रयोगकर्ताहरूका लागि सुविधाजनक बनाउन मुद्रा स्थानान्तरण शुल्कहरू ह्यान्डल गर्न, प्रति महिना ११०० येन वा करिब आठ डलर चार्ज गर्न फ्ल्याट-रेट प्रणाली अपनाउनेछ।
जटिल प्रक्रिया र भाषाका समस्याले जापानमा बस्ने विदेशी नागरिकलाई बैंक खाता खोल्न गाह्रो बनाइरहेको अवस्थामा यी वित्तीय संस्थाले प्रदान गरेको नया थप सेवाले सहज हुने बताइएको छ।
मुद्रा स्थानान्तरणको लागि उच्च ह्यान्डलिङ शुल्कले पनि देशमा विदेशी कामदारहरूलाई ठूलो बोझ पारेको बताइएको छ।
सेवाका लागि एप विकास गर्ने GIG-A का सीईओ राउल अल्लिकिभीले यस्ता समस्याले आफूलाई मोबाइल फोनको सेवा विकास गर्न प्रेरित गरेको बताए।
