🌧✨✨बरिखा✨✨🌧

बर्खाभर निश्मन भएर परिवेशले
गोघुलीमा झ्याउकिरीको मन
हरदिन न्याउलीको दिल भत्काउछ
निस्तव्ध आकाश अटुट भत्किदा
अविरल मुसलधारे झरीले
बाढी ल्याउछ र सबथोक भत्काउछ
पुल,पुलेसाहरु बग्दा, समन्ध भत्किन्छ
हेर्दाहेर्दै खेतहरुका फाँट बग्छन्,
परिश्रमका गास र आंटहरु भत्किन्छ
स्कुल,मन्दिर बग्दा,आस्था भत्किन्छ
बस्ति,आफन्त र जायजेथा सारा बग्दा,
जीवन,जगत र सहारा भत्किन्छ
हर बरिखा भर म सोचिरहन्छु~
यै निमर्म बाढीले किन भत्काउदैन होला ?
कोशी ब्यारेजका यामान बांधहरु ?
सारा घाती सम्झौता सन्धि र घातहरु
किन भत्काउदैन,ह~?!
अन्धा शासकहरुका चुरीफुरी
सिंहदरवार नामको स्यालदरवार
शासकहरुका इमान,जमान र अभिमान
किन भत्किदैनन् किन बगाउदैनन् ?!
ओसेपमा परेका पिरपिडाहरु भेल बनेर
हरबर्खाका झरीहरुले खाली जनताका
आंखाहरुका आलीहरु मात्र किन भत्काउछ?
खुसी,सपना,आशा र भरोशाहरु मात्र बगाउछ ॥