यसअघि नेपाली राजदूतावास जापानमा डेपुटी चिफ अफ मिसनको रूपमा कार्य गरेका नव नियुक्त महामहिम राजदूतको रूपमा डा. दुर्गा बहादुर सुवेदी जापानका लागि नेपालको आवासीय राजदूतका लागि अगस्ट ३ तारिक अर्थात् बुधबार जापान आइपुगेका छन ।
बुधवार जापान आइपुगेका राजदुत सुवेदीलाई टोक्योस्थित नारिता अन्तर्राष्ट्रिय विमानस्थलमा कार्यवाहक राजदुत अम्बिका जोशी,द्वितीय सचिव जित बहादुर कार्कीसहित एनआरएनए जापानका अध्यक्ष शिवप्रसाद पौडेल र प्रवक्ता सुभाष लामिछानेले नारिता बिमानस्थलमा स्वागत गरेका थिए ।
एक लाख भन्दा भन्दा बढि नेपालीहरुको समस्या, गुनासो समाधानमा उहाँको कार्यकाल एतिहासिक बन्न सकोस् भन्ने अपेक्षा र शुभकामना व्यक्त गर्दै एनआरएनए जापानका प्रवक्ता लामिछानेले भने – “नेपाल र जापानबिचको सुमधुर सम्वन्ध थप प्रगाढ, जापानी लगानी तथा प्रविधि नेपालमा भित्राउन तथा उच्च स्तरको भ्रमण लगायतमा उहाँले उल्लेखनिय काम गर्नुहुनेछ भन्ने आशा जापानवासी नेपालीहरुले राखेका छौ ।”
नेपाल सरकारको जिम्मेवारी र जापानवासी नेपालीहरुको अपेक्षा अनुसार काम गर्न राजदूत सुवेदीलाई एनआरएनए जापान सदैव हातेमालो गर्न तयार रहेको पनि प्रवक्ता लामिछानेले बताए ।
नव नियुक्त महामहिम राजदूत सुवेदी मन्त्रालयका शिष्टाचार महापाल हुन् । बेलायतका लागि नेपाली राजदूतको जिम्मेवारीबाट फर्केलगत्तै परराष्ट्र मन्त्रालयमा शिष्टाचार महापालको जिम्मेवारी पाएका र विदेश पोस्टिङ्गको छोटो अन्तरालमै जापानको लागि राजदूत नियुक्त भएका हुन ।
यस अघि राजदूतको रूपमा रहेकी प्रतिभा राणालाई सरकारले करिब २ दुई वर्ष अघि फिर्ता बोलाएपछि सो पद ख़ाली रहेको थियो ।
कार्यवाहक राजदूतको रूपमा हालसम्म अम्बिकाप्रसाद जोशीले कार्यभार संचालन गर्दै आएका थिए ।
झण्डै तीन दशक परराष्ट्र सेवामा बिताएका झापा ज़िल्लाका सुबेदीले यसअघि नेपाली राजदूतावास जापानमा डेपुटी चिफ अफ मिसनको रूपमा समेत कार्य गरिसकेका छन । त्यस्तै नेपाली राजदूतावास बर्मामा द्वितीय सचिव, न्यूयोर्कस्थित संयुक्त राष्ट्रसंघका लागि नेपाली स्थायी नियोगमा प्रथम सचिव तथा बहराइनमा कार्यवाहक राजदूतको बेलायत र माल्टामा राजदूतको भूमिका निर्वाह गरिसकेका छन् ।
बेलायतका लागि नेपाली राजदूत रूपमा कार्यरत रहदा सुवेदी (दुबसु)लाई दशककै कूटनीतिज्ञको उपाधिद्वारा सम्मानित गरि सकिएको छ । कूटनीतिक क्षेत्रमा सुवेदीले पु¥याएको योगदानको कदर गर्दै उक्त सो उपाधिले उनलाई सम्मान गरिएको थियो । सुवेदीले साहित्यिक र कूटनीतिक दुवै पाटाहरु प्रशंसनीय र उल्लेखनीय कार्य गर्दै आइरहेका छन ।सुवेदीले अन्तर्राष्ट्रिय सम्बन्धमा बेलायतको लिड्स विश्वविद्यालयबाट एमए गरेका छन भने त्रिभुवन विश्वविद्यालयबाट पिएचडी, एमपिएलगायत न्यूयोर्क विश्वविद्यालयबाट एलए र संयुक्त राष्ट्रसंघीय विश्वविद्यालय तथा सोफिया विश्वविद्यालय टोकियो र लुझियानास्थित युनिभसिटी अफ युएसएबाट विभिन्न कोर्षहरु पूरा गरेका छन ।
सुवेदीले ‘आधुनिक नेपालको विदेश नीति र कूटनीति’ विषयमा विद्यावारिधि गरेका छन्। विभिन्न विधाका आधा दर्जन कृति प्रकाशन तथा सम्पादन गरेका उनी एक दर्जन विद्याका पुरस्कारबाट पुरस्कृत भएका छन्।
