केहि दशक वर्ष यता कै कमजोर जापानी येनका कारण बढ्दो ट्युसन र आवास लागतका कारण विदेशमा अध्ययन गर्ने आशामा रहेका जापानका विद्यार्थीहरूले आफ्नो योजनामा परिवर्तन गर्न सोचिरहेका छन्।
विद्यार्थीहरूलाई विदेशमा पढ्नको लागि प्रबन्ध मिलाउन मद्दत गर्ने टोकियोस्थित एक कम्पनीले महिनाको सुरुदेखि योजनामा भएका परिवर्तनहरूबारे सोधपुछ गर्नेको संख्या बढेको बताएको छ।
कोरोना महामारीका कारण विदेशमा अध्ययन गर्न चाहने विद्यार्थीको सङ्ख्या ह्वात्तै घटेपछि यसको सुधारसंगै क्रमशः सुधार हुँदै गैरहेको अवस्थामा येनको कमजोर अवस्थाले गर्दा फेरि विद्यार्थीले आफ़नो योजनामा पुनर्विचार गरिरहेको उक्त कम्पनीले जनाएको छ ।
कम्पनीका अनुसार गत वर्ष संयुक्त राज्य अमेरिकामा एक वर्षको लागि अध्ययन खर्च यात्रा खर्च बाहेक करिब ३.६ मिलियन येन वा करिब २४,००० डलर रहेकोमा अहिले डलरको तुलनामा कमजोर येनका कारण लागत ५.६ मिलियन येन वा करिब ३८,००० डलर पुगेको बताइएको छ। अमेरिका बाहेक अन्य देशहरूमा अध्ययनको लागत पनि लगभग २० प्रतिशत बढेको छ।
बसाइको अवधि छोटो बनाउने, देश परिवर्तन गर्ने वा योजना स्थगित गर्ने बारे सोधपुछ गर्ने विद्यार्थीको संख्या बढ्दै गएको कम्पनीले जनाएको छ ।
आफ्नो छोरालाई बेलायतको हाईस्कूलमा पठाउने योजनामा रहेकी एउटी आमाले प्रारम्भिक योजनाको तुलनामा लागत बढेकोले आफ्नो बसाइ एक हप्ता घटाउन माग गर्न आएको बताइन्। उनले आफ्नो छोरालाई विदेशमा पढ्न पठाउन कठिन घरायसी बजेटका कारण कठिन परिस्थिति आएको बताइन्, तर उनी आफ्नो छोरालाई विदेशी भाषा सिक्न मद्दत गर्न चाहन्छिन्।
महामारीका कारण विदेश जान नपाउने विद्यार्थीबाट सोधपुछ बढ्दै गएको तर दैनिक विनिमयदरमा हुने उतारचढावका कारण लागत परिवर्तन हुन सक्ने कम्पनीका एक अधिकारीले बताए ।
अधिकारीले भने केही विद्यार्थीहरूले आफ्नो गन्तव्य परिवर्तन गर्दै देशहरूमा अध्ययन गर्न अनुमति दिइरहेका छन्।
