उत्तर कोरियाले पहिलो पटक दक्षिण कोरियाली समुद्री सीमाभित्र मिसाइल प्रहार

-


     जनहित न्युज    
     कार्तिक १६ गते २०७९


उत्तर कोरियाले पहिलो पटक दक्षिण कोरियाली समुद्री सीमाभित्र मिसाइल प्रहार गरेको छ ।

अमेरिका र दक्षिण कोरियाबीच सैन्य अभ्यास चलिरहेको बेला उत्तर कोरियाले आज बुधबार बिहान ब्यालेस्टिक क्षेप्यास्त्र प्रहार गरेको हो । जुन समुद्री सिमांकन लाइन पार गर्दै दक्षिण कोरियाली पानीमा खसेको हो ।

कोरिया विभाजन भएको ७० वर्षको इतिहासमा पहिलो पटक उत्तरले दक्षिण कोरियाली सिमाना भित्र खस्ने गरी क्षेप्यास्त्र प्रहार गरेको हो ।

दक्षिण कोरियाली सेनाले उत्तरले कम्तिमा दश वटा क्षेप्यास्त्र प्रहार गरेको र आफूले उत्तर कोरियाली समुद्री सिमानातर्फ आकाशबाट जमिनमा हान्ने क्षेप्यास्त्र प्रहार गरेको जनाएको छ ।

दक्षिण कोरियाली राष्ट्रपति युन सुक योलले उत्तर कोरियाले सिमाना मिचेर आक्रमण गरेको भन्दै त्यसको चुस्त जवाफ दिन आफ्नो सेनालाई आदेश दिनुभएको छ ।

उत्तर कोरियाले प्रहार गरेको क्षेप्यास्त्र दक्षिण कोरियाली शहर सोक्चोदेखि ५७ किलोमिटर पूर्व तथा समुद्री सिमानाबाट २६ किलोमिटर भित्र खसेको जनाइएको छ ।

यो खबर पढेर तपाईलाई कस्तो महसुस भयो ?
Like
Like Love Haha Wow Sad Angry